1991-ci ildə Çaykənddə keçirilmiş məşhur HALQA əməliyyatı –Ermənilər şokda - NADİR VİDEO

1991-ci ilin may ayında Azərbaycanda erməni separatçı quldur dəstələrinə qarşı keçirilmiş “Halqa”(Koltso) əməliyyatı nəticəsində Çaykənddə gizlənən silahlılar məhv edilib.

Azpost.info bildirir ki, SSRİ Daxili İşlər Nazirliyinin və Azərbaycan DİN Xüsusi Təyinatlı Polis Dəstəsinin (OMON) birgə əməliyyatı nəticəsində Çaykənd ermənilərdən təmizləndi.

30 aprel 1991-ci ildə səhər saatlarında Goranboy və Xanlar rayonlarından “Çaykənd” əməliyyatı başlandı. Əməliyyat nəticəsində dinc azərbaycanlılara hücumların baş verdiyi Çaykənd, Qarabulaq, Kamo, Yeni Zod, Todan və digər yaşayış məntəqələri qeyri-qanuni erməni silahlı birləşmələrindən azad edildi. Əməliyat çərçivəsində erməni döyüşçülərinin başçısı Tatul Krpeyan məhv edildi.

Azərbaycan hökuməti xüsusi əməliyyat keçirilən zonanı tərk etmək istəyən dinc erməni əhalisinə yük maşınları və hətta helikoptrerlər təşkil etmişdi.

Ermənistandan 1988-1989-cu illərdə qaçqın düşmüş azərbaycanlılar Qarabulaq və Çaykəndə köçürüldülər və ermənilərin tərk etdiyi evlərdə məskunlaşdılar. 

Çaykənd əməliyyatı strateji məqsəd güdürdü. Qarabağın hüdudlarında erməni kəndlərini boşaldan Azərbaycan hökuməti silahlı erməni dəstələrini təcrid edib, onların təchizat yollarını kəsməyə çalışırdı, Qarabağ ətrafında azərbaycanlıların məskunlaşdığı yeni kəndlərdən “halqa” yaratmaq istəyirdi.

Azpost.info 1991-ci ildə Azərbaycanda yaşayan erməni əhalinin təxliyyəsi çərçivəsində həyata keçirilən “Halqa” əməliyyatından nadir kadrları təqdim edir. Bu nadir kadrları jurnalist F.Sabiroğlu arxivindən təqdim edib.