Azərbaycanın xanım Milli Qəhrəmanları: Onlar neçə nəfərdi? - ADLAR
Cəmiyyət30 dekabr 2024 13:31
Xəbər verdiyimiz kimi, Prezident İlham Əliyev "Azərbaycan Hava Yolları” aviaşirkətinə məxsus "Embraer 190” tipli sərnişin təyyarəsinin Bakı-Qroznı reysini yerinə yetirərkən həlak olmuş ekipaj üzvlərinə "Azərbaycanın Milli Qəhrəmanı” adının verilməsi ilə bağlı sərəncam imzalayıb.
Sərəncama əsasən, Bakı-Qroznı reysilə uçan təyyarə Aktau şəhərində qəzaya uğrayarkən xidməti vəzifələrini layiqincə yerinə yetirən, sərnişinlərin həyatının xilas edilməsində yüksək peşəkarlıq, şücaət və fədakarlıq göstərən ekipaj üzvləri – kapitan İqor İvanoviç Kşnyakin, pilot Aleksandr Georgiyeviç Kalyaninov, bələdçi Hökumə Cəlil qızı Əliyeva ölümlərindən sonra bu fəxri ada layiq görülüb.
Dövlət başçısının bu sərəncamından sonra Azərbaycanın Milli Qəhrəmanlarının sayı 222 nəfərə çatıb.
Modern.az-ın məlumatına görə, Azərbaycanın 222 Milli Qəhrəmanından 3 nəfəri xanımdır. Onlar aşağıdakı şəxslərdi:
Xanım Milli Qəhrəmanlarımızın qısa bioqrafiyasını təqdim edirik:
Salatın Əziz qızı Əsgərova 1961-ci ildə dekabrın 16-da Bakıda ziyalı ailəsində anadan olub. 1979-cu ildə orta məktəbi bitirib. Həmin il Azərbaycan Neft və Kimya İnstitutuna daxil olub. 1984-cü ildə geofizika ixtisası üzrə mühəndis diplomu alan Salatın Əsgərova jurnalistika sahəsinə böyük maraq göstərib. Nəticədə müqavilə ilə "Bakı” qəzetində işləməyə başlayıb. 4 il sonra isə o, "Molodyoj Azerbaydjana” qəzetinə keçib. Salatın Əsgərova jurnalist kimi Azərbaycan torpaqlarının bütövlüyü ilə bağlı məslələrə toxunurdu. O, tez-tez cəbhə xəttinə gedir, qaynar nöqtələrdən operativ materiallar hazırlayırdı. Ailəsi Salatının döyüş bölgəsinə getməsindən narahat olsa da, ona mane ola bilmirdi. Hazırladığı reportajlarla müharibənin ən qızğın anlarından xəbər verən Salatın qısa müddət ərzində geniş oxucu auditoriyası qazanmağı bacarmışdı.
1991-ci il yanvarın 9-da Laçından Şuşaya gedərkən yolun 6-cı kilometrliyindəki Qaladərəsi kəndi yaxınlığında onun olduğu maşın erməni terrorçuları tərəfindən yaxın məsafədən şiddətli atəşə tutulub və elə oradaca qətlə yetirilib.
O, Bakıdakı Şəhidlər Xiyabanında dəfn olunub.
Salatın Əsgərova ölümündən sonra - 6 noyabr 1992-ci ildə Azərbaycan Prezidentinin fərmanı ilə "Milli Qəhrəman” adına layiq görülüb.
Hazırda Bakı şəhərində adına bir küçə var. Yaşadığı binaya barelyefi vurulub. Ona Beynəlxalq Jurnalistlər İttifaqı Konfederasiyasının laureatı adı da verilib.
Bir oğlu yadigar qalıb.
***
Gültəkin Məlik qızı Əsgərova 1960-cı il noyabr ayının 20-də Bakı şəhərində anadan olub. 1983-cü ildə Azərbaycan Dövlət Tibb Universitetinə daxil olub və təhsilini 1989-cu ildə başa vurub. Təhsil illərində Daxili İşlər Nazirliyinin Hərbi hospitalında əvvəlcə kiçik tibb bacısı, sonra isə böyük tibb bacısı işləyib. Ali məktəbi bitirdikdən sonra isə 8-ci Təcili Yardım Stansiyasında çalışıb. Daha sonra Uroloji xəstəxanada anestezioloq-reanimatoloq vəzifəsində işləyib.
Qarabağ hadisələri başlayanda 4 aprel 1992-ci ildə könüllü olaraq cəbhəyə yollanıb. Əvvəlcə Turşsuda, sonra isə Şuşada neçə-neçə yaralı əsgərə tibbi yardım göstərib. Şuşa işğal olunduqdan sonra Laçının, Qubadlının müdafiəsində yaxından iştirak edib. Ağır döyüş yolu keçmiş Gültəkin Əsgərova 20 iyun 1992-ci ildə Aranzəmin-Naxçıvanik kəndləri istiqamətində gedən çətin döyüşdə öz xidməti borcunu yerinə yetirərkən şəhid olub.
Ölkə Prezidentinin 1993-cü il 20 noyabr tarixli fərmanı ilə Gültəkin Əsgərovaya ölümündən sonra "Azərbaycanın Milli Qəhrəmanı” fəxri adı verilib.
Bakı şəhərindəki Şəhidlər xiyabanında dəfn edilib.
Oxuduğu 200 nömrəli tam orta məktəbə onun adı verilib, Bakı şəhər Nərimanov rayonunda büstü qoyulub. Bakıda yaşadığı Mustafa Kamal Atatürk prospekti 2a ünvanındakı binaya xatirə lövhəsi vurulub. Gültəkin Əsgərovaya həsr olunan "Gültəkin” filmi çəkilib, "Gültəkin zirvəsi” adlı kitab çap olunub.
***
Hökumə Cəlil qızı Əliyeva 8 avqust 1991-ci ildə Kəlbəcər rayonunda anadan olub. 1993-cü ildə kəndlərinin ermənilər tərəfindən işğal olunması səbəbilə Bərdə rayonunun Qaradəmirçi kəndində müvəqqəti məskunlaşıb. 1996-cı ildə isə Rusiyaya köçüb və bir müddət Volqoqrad vilayətində yaşayıb. Hökumə orada 1-ci sinifdən 6-cı sinfə qədər şəhərin 178 nömrəli məktəbində təhsil alıb. Daha sonra ailəsi Gəncəyə köçüb və Hökumə burada təhsilini davam etdirib. Gəncə şəhərindəki V.Veysəlov adına 30 nömrəli tam orta məktəbi bitirdikdən sonra 612 bal toplayaraq Bakı Dövlət Universitetinin Hüquq fakültəsinə daxil olub.
Hökumə Əliyeva öz təhsilini magistr və doktorantura pillələrində davam etdirib. 2016-cı ildən etibarən Azərbaycan Hava Yolları aviaşirkətində (AZAL) təcrüməçi kimi işləməyə başlayıb. Sonralar isə bələdçi kimi işləməyə başlayıb. İşinin növbəti illərində o hüquqşünas kimi fəaliyyətini davam etdirəcəkdi.
Lakin 25 dekabr 2024-cü ildə Bakı-Qroznı reysilə uçan təyyarə Aktau şəhərində qəzaya uğrayarkən stüardessa Hökumə Əliyeva xidməti vəzifəsini layiqincə yerinə yetirərək, sərnişinlərin həyatının xilas edilməsində yüksək peşəkarlıq, şücaət və fədakarlıq göstərib və özü isə baş verən partlayışda həlak olub.
Hökumə Əliyeva 29 dekabr 2024-cü ildə II Fəxri xiyabanda dəfn olunub.
Evli idi, övladı yoxdur.
Azərbaycan Prezidentinin 29 dekabr 2024-cü il tarixli sərəncamı ilə Əliyeva Hökumə Cəlil qızı (ölümündən sonra) "Azərbaycanın Milli Qəhrəmanı" adına layiq görülüb.
Oxşar xəbərlər
- Miqrantlar potensial təhlükə mənbəyi hesab edilir - RƏY
23 yanvar 2025 22:50
- O qadın istintaqda bütün işgəncələrə dözərək heç bir ifadə vermədi...
23 yanvar 2025 22:19
- Heç bir dinin gücü yetməyən işin öhdəsindən sevgi asanlıqla gəlir - Fəxri Uğurlu
23 yanvar 2025 21:38
- Azərbaycan-Gürcüstan əməkdaşlığı yeni layihələr mərhələsində
23 yanvar 2025 16:34
- Mətbuatın 150 illiyi ilə bağlı yubiley medalı təsis olunacaq
23 yanvar 2025 15:06
- Bakının iki bələdiyyə sədrindən inanılmaz seçki oyunu: Qohumbazlıq, tayfabazlıq ... - (FOTO)
22 yanvar 2025 12:21
- 76 nəfər öldü və yanğına görə hotel sahibi saxlanıldı
22 yanvar 2025 11:36
- Elşad Musayev Türkiyə xalqına başsağlığı verdi
21 yanvar 2025 23:12
- İlyas İsmayılov komaya düşdü
21 yanvar 2025 22:53
- Naxçıvanda donuzların KÖKÜ KƏSİLİB – Rəsmi statistika
21 yanvar 2025 18:16
Xəbər lenti
- 24 yaşlı Camal yüksək balla akademiyada oxuyubmuş...
24 yanvar 12:06
- Rüşvət alan hakim məhkəmə zalında həbs edildi
24 yanvar 00:32
- Mərasim evlərində qiymətlər - 4 000 manata menyu
23 yanvar 23:44
- Miqrantlar potensial təhlükə mənbəyi hesab edilir - RƏY
23 yanvar 22:50
- Hərbçimiz odlu silahdan açılan atəşdən öldü
23 yanvar 22:39
- O qadın istintaqda bütün işgəncələrə dözərək heç bir ifadə vermədi...
23 yanvar 22:19
- Kimə banan yemək olmaz?
23 yanvar 21:51
- Heç bir dinin gücü yetməyən işin öhdəsindən sevgi asanlıqla gəlir - Fəxri Uğurlu
23 yanvar 21:38
- YENİ nəhəng planet kəşf edildi
23 yanvar 21:30
- Türkiyə vətəndаşı: Türkmənistan prezidentindən xahiş edirəm ki, həyat yoldaşımın qaytarın...
23 yanvar 21:18
- Universitet vergilərini vaxtında ödəməyib
23 yanvar 21:04
- Bunlar da artıq dövlət sirridir - Prezidentdən fərman
23 yanvar 20:03
- Şəmsi Səmədzadə həbsi ilə bağlı ilk dəfə DANIŞDI -VİDEO
23 yanvar 19:48
- Naxçıvanda molla həbs edilib - Məscidi təmizləyən 14 yaşlı qıza qarşı əxlaqsızlıq...
23 yanvar 18:29
- Azərbaycan-Gürcüstan əməkdaşlığı yeni layihələr mərhələsində
23 yanvar 16:34
- Mətbuatın 150 illiyi ilə bağlı yubiley medalı təsis olunacaq
23 yanvar 15:06
- Ardıcıl 7 gün dərs olmayacaq
23 yanvar 14:48
- İlham Əliyev Ərdoğana zəng etdi (YENİLƏNİB)
23 yanvar 14:23
- Veysəloğlu daha 35 nəfər qazi əməkdaşını psixoloji yardıma cəlb etdi - FOTO
23 yanvar 12:28
- Özlərini 12-ci mərtəbədən belə atıblar - Yanğın faciəsinin DƏHŞƏTLİ GÖRÜNTÜLƏRİ ortaya çıxdı
23 yanvar 12:17
- Bandotdel-in tutduğu kanal rəhbəri bu vəzifəli şəxsin qardaşı oğludur - FOTO
22 yanvar 13:11
- Nazarbayevin TАNRI elan edilməsini təklif etdi - tutuldu
22 yanvar 12:57
- İraqda 9 yaşlı qızlarla nikaha icazə verildi
22 yanvar 12:35
- Bakının iki bələdiyyə sədrindən inanılmaz seçki oyunu: Qohumbazlıq, tayfabazlıq ... - (FOTO)
22 yanvar 12:21
- 76 nəfər öldü və yanğına görə hotel sahibi saxlanıldı
22 yanvar 11:36
- Qırğızıstanda ictimai yerlərdə üzü örtən geyimlər qadağan edildi
22 yanvar 00:06
- Türkiyədə matəm elan olundu
21 yanvar 23:55
- Elşad Musayev Türkiyə xalqına başsağlığı verdi
21 yanvar 23:12
- İlyas İsmayılov komaya düşdü
21 yanvar 22:53
- Türkiyədə hoteldəki yanğında 66 nəfər öldü, 51 nəfər yaralandı
21 yanvar 19:02
Video & Fotoqalereya
Video
Fotoqalereya