Bəşər Əsəd təklifimizə müsbət cavab vermədi - Ərdoğan

“Türkiyə, çağırışlara baxmayaraq, Suriya Prezidenti Bəşər Əsəddən mövcud problemlərin ikitərəfli müzakirə edilməsi təklifinə müsbət cavab almayıb”.

“Qafqazinfo” xəbər verir ki, bunu Türkiyə Prezidenti Rəcəb Tayyib Ərdoğan İstanbulda jurnalistlərə açıqlamasında deyib.

“Xatırlayırsınızsa, biz daha əvvəl Əsədə müraciət etmişdik və Suriyanın gələcəyini birlikdə müəyyən etmək təklifini vermişdik. Təəssüf ki, Əsəddən müsbət cavab ala bilmədik”, - deyə Türkiyə lideri bildirib.

“Müxalifətin yürüşü davam edir. İdliblə bağlı hər şey aydındır. Homs müxalifətin əlindədir və biz onların Dəməşqə yürüşündən danışırıq. Region çətin vəziyyətdədir və bu yürüşlər bizim istədiyimiz kimi deyil. Biz, doğrudan da, belə olmasını istəmirik”, - deyə Ərdoğan Suriyadakı vəziyyəti və müxalif qüvvələrlə Suriya ordusu arasındakı qarşıdurmanı şərh edib.