Bizdə qohumbazlıq, yerlibazlıq həmişə olub. Millət olaraq, demək olar, bu bizim qanımıza işləyib. Kimin bir qohumu kiçik bir vəzifə sahibi olsa belə, onun adından istifada etməyə çalışır. O ki qaldı Əmlak Məsələləri üzrə Dövlət Komitəsinin sədri Kərəm Həsənovun əmisi oğlu olasan... Əslində, nə qohumbazlıq, nə də yerlibazlıq düzgün deyil. İnsan olaraq cəmiyyət üçün faydalı olmaq daha düzgün movqedir. Özünün və qohumunun səlahiyyətlərindən istifadə edən şəxs bir gün rəhmətə gedəndə insanlara necə zülm verdiyini düşünəcək və vicdan əzabı çəkəcək. 

 
Kiminsə yolunu kəsmək nə dərəcədə doğrudur, axı?! Bəzi insanlar and içəndə “ yol haqqı” deyirlər. Kiminsə “yol haqqı”nı əlindən almaqla öz vicdanınızı da incitmiş olursunuz. İnsana verilən səlahiyyət o demək deyil ki, hər kəsin hüququnu pozmağa cəsarət etsin. Bir gün bu səlahiyyətiniz olmaya da bilər. Amma insanın pislikləri hər zaman qarşısna çıxacaq. Ona görə də yaxşlıq etmək lazımdır ki, vicdanınız rahat olsun.

 
Kərəm Həsənovun əmisi oğlanları - İlqar və Şirməmməd Həsənov qardaşlarının əlindən Cəlilabad rayonu Yeni Günəşli kəndinin sakini Hüseyn Malıyev cana gəlib desək, yalan olmaz. 

Hurriyyet.org-un redaksiyasına zəng edən Hüseyn Malıyev hər iki qardaşın rayonda ağalıq etdiyini, heç icra hakimini belə saymadıqlarını bildirib:“Mənim evimin yanında Şükufə, Azadxan adlı adamlar oğluna ev tikib. Bu adamlar bizim maşın yolumuzu kəsiblər. Azadxanın qızı Kərəm Həsənovun əmisi oğlu Şirməmmədin yoldaşıdır. Bunlar deyirlər ki, biz Kərəmə arxalanırıq. İşıq, qaz turbası da onun həyətində qalıb. Bu, haqsızlıqdır. İcra nümayəndəsi İlqar Həsənov da onlara arxa durur. Təsəvvür edin, yol ilə maşın gedə bilmir. Dillənən kimi, deyirlər biz Həsənovlara arxayınıq. Bunları da edən əsas Şirməmməddir. Özləri də bunun haqsızlıq olduğunu yaxşı bilirlər. Bələdiyyənin işçisi Fəxrəddin də dedi ki, bu haqsızlıqdır. Dedim bəs, niyə belə edirsiniz? Dedi mənlik deyil. Bunu edən İlqarla Şirməmməddir. Deyir Şirməmmədlə İlqar sizinlə açığa düşüb. Ona görə bunu edirlər. İcra hakimi də bu iki qardaşdan çəkinir. Onalara görə, Şükufə ilə Azadxana da söz demək olmur. Elə mənəm-mənəm deyirlər. Nəsə bir söz deyəndə deyirlər ki, bizm arxamızda Həsənovlar durur. Get, əlindən nə gəlir, et. Mən dəllək işləyirəm. Neçə dəfə İlqarla Şirməmməd gəlib deyiblər ki, çıx buradan, işləmə. Bir sözlə, özbaşınalıq, kəndxudalıq edirlər. Demək olar ki, Cəlilabad rayonunu Həsənovlar idarə edirlər. Belə özbaşınalıq olmaz”. Şamo Emin, Hurriyyet.org 

  NUH.az