Tarix  və Arxeologiya institutu  hara baxır ?

Məlumdur ki,  uzun illər su üzünə  həsrət qalan Qobustanda şəhərin yeni su təchizatı və kanalizasiya sisteminin yaradılması üçün  2015-ci ilin ortalarından  “Azərsu” fəaliyyətə  başlayıb.

Rayonun mərkəzində  vəziyyət o dərəcədə acınacaqlı idi ki, hətta ölkə başçısının şəhər statusu verdiyi  Qobustan şəhərində bircə dənə də ictimai tualet yox idi. Şəhərə qonaq gələnlər  ağac-kol dalına qaçmalı olurdu.

Nəhayət,  Qobustan şəhərininin su təchizatı və kanalizasiya sisteminin yaradılmasına başlanıldı.

Hazırda bu məqsədlə Qobustanda işlər gedir.

Ancaq  şəhər sakinlərinin NUH.az-a verdiyi xəbərə görə, “Azərsu”nun sifarişi ilə Türkiyənin  “Çuxuroba”  şirkəti  kanalizasiya  xətlərinin çəkilişi zamanı  yolları bərbad vəziyyətə qoyub. Ancaq bundan dəhşətlisi odur ki,  kanalizasiya çəkilişi ( dərinliyi 2 metrdən artıq )  zamanı  aşkar olunan qədim yeraltı tunelləri  “Azərsu”nun ekskvatorları dağıdır.

“Azərsu”nu bəlkə də başa düşmək olar öz  işini görür.

Bəs Azərbaycan Milli Elmlər Akademiyasının Tarix və Arxeologiya və Etnoqrafiya institlarının rəhbərliyi hara baxır..?

 NUH.az