“Formula-1” yarışına  bir gün qalmış Nərimanov rayonunda qarşıdurma

 

Bakıda  Beynəlxalq  “Formula-1”  yarışının keçirilməsinə  cəmi bir gün qalmış  Bakının mərkəzində,  Nərimanov rayonunda  vətəndaş-polis qarşıdırmasının yaranmasında görəsən kimlər maraqlıdır?

Ərazidə  yaşayan sakinlər  ağacların kəsilməsinə etiraz olaraq  aksiya keçirirlər, yolu bağlayırlar. Polis hadisə yerinə gələrək  müdaxilə edir və qarşıdurma yaranır. Aksiya iştirakçılarından biri xəsarət alır.

Nə etiraz edən sakinləri qınamaq olur, nə də polisi.

Çünki sakinlər həyətlərindəki ağacların kəsliməsinə haqlı olaraq etiraz edirlər, polis isə üzərinə düşən vəzifəni icra edir.

Bəs  görəsən  Nərimanov Rayon İcra hakimiyyətinin başçısı  cənab Abdin Fərzəliyev haradadır..?

Axı, sizin icazəniz olmadan rayon ərazisində nəinki bir ağac kəsmək,heç bir  quşa da  daş atmaq olmaz, cənab Fərzəliyev.

Deməli, bu ağacların kəsliməsindən xəbəriniz var. Həm də axı ağacları boş yerə kəsmirlər, yəqin ki, təzə bir obyekrin “xeyr-dua”sını vermisən. Bütün bunlar aydındır.

Axı, rayonda vətəndaşla polis arasında qarşıdurma baş verir, rayonun rəhbəri isə haradasa yəqin ki, ov ovlayır, quş quşlayır...

Həm də ölkə üçün mühüm əhəmiyyət kəsb edən hansı ərəfədə...

 

 NUH.az