Rusiya Avropa Birliyini məhv etmək istəyir

 

Bolqarıstan prezidenti Rosen Plevneliyev Avropanı Rusiyanın Krımı və Donbası işğal etməsi ilə razılaşmamağa çağırıb.

 

Musavat.com Ukrayna mediasına istinad edərək bildirir ki, Bolqarıstan prezidenti Strasburqda Avropa parlamentinin iclasında çıxışı zamanı

Rusiyanı Avropa Birliyini məhv etmək istəyində olduğunu da söyləyib. “Kreml bizə qarşıdır və Avropa Birliyində sabitliyi pozmaq istəyir.

O, Avropa Birliyinin vəhdətlik, həmrəylik və qanunun aliliyi kimi əsaslarını pozmaq və məhv etmək istəyir”,- deyə Rosen Plevneliyev bildirib.

Prezident yeni soyuq müharibənin baş verməyəcəyinə ümid etdiyini söyləyib, lakin bununla bərabər münaqişələrin və konfrontasiyaların mövcudluğunu dilə gətirib.

Rosen Plevneliyev “mənim üçün, bizim üçün Krım Ukraynadır, Ukrayna isə Avropadır” deyərək, Qərbin Rusiyanın Krımın işğalı və Donbasa hərbi aqresiyası ilə

razılaşmasının yolverilməz olduğunu və bunun baş verməsi təqdirdə böyük tarixi rüsvayçılıq olacağını parlamnet üzvlərinə çatdırıb.

Xatırladaq ki, Bolqarıstan prezidenti Rusiyaya qarşı kəskin çıxışları ilə fərqlənib.

Məsələn o, 2014-cü ilin oktyabr ayında Almaniyanın Frankfurter Allgemeine Zeitung qəzetinə verdiyi müsahibədə Rusiyanı millətçi və aqressiv dövlət adlandırmışdı.

 

  NUH.az