“Ermənistan olduqca əhəmiyyətli strateji yüksəklikləri itirib və onları geri qaytarmaq lazımdır”. 

AzNews.az erməni KİV-lərinə istinadən xəbər verir ki, bu sözləri Kommandos ləqəbli erməni general-mayor Arkadi Ter-Tadevosyan deyib. Onun sözlərinə görə, Ermənistan tərəfi yüksəklikləri geri qaytara bilmədiyi üçün onların elə də əhəmiyyətli olmadığını deyir: “Onlar olduqca əhəmiyyətli yüksəkliklərdir. İndi həmin yüksəklikləri geri qaytarmaq lazımdır ki, insanlar Talış, Ağdərə, Madagiz kimi ərazilərdə rahat yaşaya bilsinlər. Təbii ki, bizim bəzi deputatlarımızın verdiyi açıqlamalar yuxarıdan deyilən sözlərdən qaynaqlanır və bu, çox kədərlidir”.

Erməni general bu yüksəkliklərə görə Ermənistanın daha çox ərazilər itirəcəyini də etiraf edib: “Biz çox şey itirdik və bu yüksəkliklərə görə daha çoxunu itirəcəyik. Talışda artıq yaşayış yoxdur. Qarabağın ən böyük şəhəri olan Ağdərə atəş altında saxlanılır. Təbii ki, bu yüksəklikləri geri qaytarmaq lazımdır ki, insanlar rahat yaşaya bilsinlər”.

  NUH.az