ABŞ prezidenti Donald Tramp Rusiya prezidenti Vladimir Putinlə görüşlərini Rusiya-Ukrayna müharibəsinə son qoymaq səyləri baxımından “çox uğurlu” kimi qiymətləndirib.

Musavat.com bu barədə xarici mediaya istinadən xəbər verir.

"Biz müharibəni bitirmək üçün çox çalışırıq. Düşünürəm ki, çox irəliləyiş əldə etmişik və bu proses olduqca sürətlə gedir", - Tramp deyib. 

O əlavə edib ki, sülhə doğru irəliləyiş Ukrayna prezidenti Volodimir Zelenskinin Ağ Evə səfəri ilə davam edəcək.

"Biz ABŞ-ı Ukrayna torpaqlarının, neftinin və qazının inkişafında mühüm tərəfdaş edəcək tarixi müqavilə imzalayacağıq".