Bu gün PKK terror təşkilatının həbsdəki lideri Abdullah Öcalan tərəfdarlarına çağırış edib.

Musavat.com bu barədə Türkiyə mediasına istinadən xəbər verir.

Bildirilib ki, Öcalanın adından yayılan yazılı müraciətdə “silahı buraxın” çağırışı yer alıb.

“Bütün qruplar tərksilah olunmalı və PKK ləğv olunmalıdır. Mən silahı yerə qoymağa çağırıram və bu çağırışa görə tarixi məsuliyyəti öz üzərimə götürürəm”, - deyə PKK liderinin müraciətində deyilir.