Prezident Gövhər Baxşəliyeva ilə bağlı sərəncam imzaladı
Gövhər Baxşəli qızı Baxşəliyeva "Şöhrət” ordeni ilə təltif edilib.
Qaynarinfo xəbər verir ki, Prezident İlham Əliyev bununla bağlı sərəncam imzalayıb.
O, Azərbaycan Respublikasının ictimai-siyasi həyatında səmərəli fəaliyyətinə və elmin inkişafında xidmətlərinə görə mükafatlandırılıb.
Qeyd edək ki, Gövhər Baxşəliyeva 1954-cü ildə Bərdə şəhərində anadan olub. Noyabrın 27-də 70 yaşı tamam olur.
C. M. Kirov adına Azərbaycan Dövlət Universiteti (Bakı Dövlət Universiteti), şərqşünaslıq fakültəsini fərqlənmə diplomu ilə bitirib.1977-ci ildən h/v kimi AMEA Şərqşünaslıq İnstitutunda baş laborant, kiçik elmi işçi, elmi işçi, böyük elmi işçi, şöbə müdiri, elmi işlər üzrə direktor vəzifələrində çalışıb. 2019-cu ildə AMEA-nın İctimai Elmlər Bölməsinin sədri, akad. Z. Bunyadov adına Şərqşünaslıq İnstitutunun baş direktoru təyin edilib.
O, II, III, IV, V çağırış Milli Məclisdə Bərdə rayonunun deputatı olub.