Millət vəkili Əli Məsimli Zəfər Günü bayramı ilə əlaqədar Şəki və Qax şəhərlərində yerləşən Şəhidlər Xiyabanlarını ziyarət etmişdir
Milli Məclisin deputatı Əli Məsimli "Zəfər Günü" bayramı ilə əlaqədar Şəki və Qax şəhərlərində yerləşən Şəhidlər Xiyabanlarını ziyarət etmiş, Daha sonra Qax şəhərində fəaliyyət göstərən Heydər Əliyev Mərkəzində " 8 noyabr - Zəfər Günü Azərbaycan tarixinin şanlı səhifəsidir" mövzusunda keçirilən konfransda iştirak edərək çıxış etmişdir. tədbir iştirakçılarını və onların şəxsində hər bir soydaşımızı "Zəfər Günü" və "Bayraq Günü" münasibət ilə təbrik etmişdir.
Əli Məsimli çıxışında Vətən müharibəsində qazanılmış zəfərin tarixi əhəmiyyətindən danışmış, onun ölkəmizin gələcək siyasi-iqtisadi, mədəni inkişafında yeni mərhələnin başlanğıcı olduğunu qeyd etmişdir.
Əli Məsimli günün sonunda İçəribazar Turizm Mədəniyyət Mərkəzində Qax rayonunun mədəniyyət- incəsənət ustalarının iştirakı ilə təşkil edilmiş konsert proqramında iştirak etmişdir.
