1 sentyabr 2024-cü il tarixində keçiriləcək VII Çağırış Azərbaycan Respublikası Milli Məclisinə seçkilərin təbliğat-təşviqat kampaniyası çərçivəsində 29 saylı Sabunçu dördüncü seçki dairəsindən deputatlığa namizədliyi irəli sürülmüş Azər Allahverənovun Pirşağı qəsəbəsində yaşayan seçicilərlə növbəti görüşü keçirilib.

Əvvəlcə Ümummilli Lider Heydər Əliyevin və ölkəmizin ərazi bütövlüyü və suverenliyi uğrunda canlarını qurban vermiş şəhidlərin əziz xatirəsi ehtiramla yad olunub.

Görüşü giriş sözü ilə açan İlham Mustafayev tədbirin məqsədi barədə danışıb və seçicilərlə görüşə gələn Azər Allahverənovu tədbir iştirakçılarına təqdim edib.

İlk əvvəl özü barədə danışan Azər Allahverənov keçdiyi həyat yoluna nəzər salıb və müxtəlif dövrlərdə çalışdığı sahələrdə qazandığı təcrübə haqqında danışıb. Bildirilib ki, Pirşağı qəsəbəsində yaşayan seçicilər tərəfindən qarşıdan gələn parlament seçkilərində ona etimad göstərildiyi təqdirdə həmin təcrübə seçki dairəsinin ərazisində yaşayan əhalinin rifahının daha yaxşılaşdırılmasına yönəldiləcəkdir. Bu səbəbdən iştirakçılara müraciət olundu ki, parlament seçkilərində fəal olsunlar və öz səslərini layiq hesab etdikləri namizədə versinlə