Partiyadan verilən məlumata görə  13  dekabr 2023-cü ildə Azadlıq Pariyası Mərkəzi İcraiyyə Komitəsinin növbədənkənar yığıncağı  keçirilib.

Yığıncaqda 7 fevral 2024-cü ilə təyin olumuş Prezident Seçkilərinə Azadlıq Partiyasının  iştirakı müzakirə olunub. Müzakirələrdə hakimiyyətin heç bir ciddi əsas gətirmədən növbədənkənar seçkilər keçirməsinin doğru olmadığı, cəmyyətin  və alternativlərin bu seçkiyə hazır olmadığı qeyd olunub. Hakimiyyətin inzibati resursları, seçki komissiyalarının hakimiyyətin  nəzarətində olması, təbliğat  və maddi imkanların  bərabərsizliyi, vaxt məhdudiyyəti nəzərə alındıqda  hakimiyyətin namizədinin digər namizədlərlə  imkan bərabərliy prinsipinin pozulduğunu göstərdiyi bildirilib.

 Uzun illər  müxalifətin bir araya gəlməməsi, bu seçkilərdə iştirakın birgə müzakirəsinin keçirilmədiyi və vahid namizədlə iştirakın mümkün görünmədiyi xüsusi olaraq qeyd edilib.

Bütün bunlarla yanaşı seçkilərdə iştirak etməməyin partiyaya və cəmiyyətimizə müsbət  heç nə vermədiyi, yekunda  avtoritarizmin güclənməsinə   xidmət edəcəyi bildirilib və Azadlıq  Partiyasının 7 feral 2024-cü il prezident  seçkilərində  iştirakı barədə qərar verilib.