Türkiyənin paytaxtı Ankarada yol təmiri zamanı işçilərin ehtiyatsızlığı səbəbindən deşilən qaz borusu partlayıb.

"Qaynarinfo"nun məlumatına görə, hadisə yerli saatla səhər 09:00da baş verib. Alov 10 metr yüksəkliyə qalxıb. Yanğın böyük təşvişə səbəb olub. Yaxınlıqdakı binaların sakinləri yaşayış yerlərini tərk ediblər. Hadisə yerinə yanğınsöndürənlər cəlb olunub. Yanğın söndürülüb.

Hadisə zamanı xəsarət alan olmayıb.