Millət vəkili Əli Məsimli : - Azərbaycan xalqı Novruzu hər zaman xüsusi təmtəraqla qeyd edib...

Qarşıdan xalqımızın ən əziz və qədim bayramlarından biri olan NOVRUZ bayramı gəlir. Azərbaycan xalqı Novruzu hər zaman xüsusi təmtəraqla, ürəklərdə xoş niyyətlərlə qeyd edib. Bu bayramı əsrlər boyu xalqımızın dərin köklərə malik milli-mənəvi dəyərlərinin ayrılmaz hissəsi kimi qoruyub saxlanıb.Amma indi dükan-bazarlarda qiymətlər o qədər bahadır ki,belə bahalıq şəraitində əhalinin aztəminatlı təbqələrinin normal bayram süfrəsi açmasını mümkünsüz edir.Qiymət artımı bizdə və dünyanın inkişaf etmiş,eləcə də bir sıra inkişaf etməkdə olan ölkələrində bir sıra cəhətlərinə görə fərqlənir.Həmin ölkələrdə bayramqabağı endirimlər olur ki, malsatanlar daha çox müştəri qazanıb daha çox mal satsın və dövriyyəni genişləndirmıklə daha çox qazansın. Bizdə isə bayramqabağı bayram süfrəsi üçün zəruri olan mal və məhsullara tələbat artdığından,dövriyyədən daha çox qazanmağa yox,fürsətdən yararlanmağa üstünlük verilir.Bununla belə bizdə də bayramqabağı endirimlər də edilir.Onun bir hissəsi həqiqətən real endirmdir və bu sahədə dürüst yol tutanların fəaliyyəti təqdirəlayiqdir.Amma endirimlərin xeyli hissəsi manipulyasiya xarakteri daşıyır.Dəyəri heç 10 manat olmayam mala 50 manat qiymət qoyub sonra da ŞOK endirim elan edib onu 35-40 manata satmaq,endirim yox,alıcıları aldatmaqdır.Bizdə də bayramqabağı həqiqi endirimlər ənənə xarakteri alsaydı, bunda həm malsatan qurumlar qazanar,həm də əhalinin aztminatlı təbəqəsinin bayram süfrəsi açması imkanları genişlənərdi.