Hamamda əxlaqsızlıq: Bakıda 43 yaşlı kişi sevgilisinin 10 yaşlı qızına...– ŞOK DETALLAR
![](https://www.nuh.az/uploads/posts/2024-02/thumbs/big_1709207108_leyla.png)
Bakıda 1981-ci il təvəllüdlü İsmayıl sevgilisinin azyaşlı qızı, 2013-cü il təvəllüdlü Leylaya (adlar şərti verilib – red.) təcavüz edib.
İsmayıl 2022-ci il fevralın sonlarında qeyri-rəsmi ər-arvad münasibətlərində olduğu Nazilə ilə birlikdə yaşadığı evdə onun əvvəlki nikahından olan qız övladı Leylanın köməksiz vəziyyətindən istifadə edərək, ona qarşı əxlaqsız, seksual xarakterli hərəkətlər edib.
Bundan başqa, İsmayıl təkrarən 2022-ci ilin martında Novruz bayramı ərəfəsində yenə də azyaşlı qıza qarşı seksual xarakterli hərəkətlər göstərib.
İstintaq orqanı tərəfindən İsmayılın barəsində Cinayət Məcəlləsinin 150.3.3-cü (on dörd yaşına çatmayan şəxs barəsində seksual xarakterli zorakılıq hərəkətləri törətmək) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən İsmayıl ona elan olunmuş ittiham üzrə özünü təqsirli bilməyib. O bildirib ki, zərərçəkmiş Leylanın anası Nazilə ilə Buzovna qəsəbəsində dönərxanalardan birində işləyərkən tanış olub: “Təxminən 5 il olar ki, Nazilə və onun azyaşlı qızı Leyla ilə birlikdə Bakı şəhərində müxtəlif ünvanlarda kirayə yaşamışam. Aramızda hər hansı münaqişə olmayıb.
2022-ci ilin mayından Nazilə məni nə qədər yaşadığı evə dəvət etsə də, mənim imkanım olmadığına və yolun uzunluğuna görə həmin evə getməmişəm”.
Təqsirləndirilən şəxs qeyd edib ki, 2022-ci il mayın 23-də mobil telefonuna zəng gəldiyini görüb: “Telefona cavab verdikdə zəng edənin Nazilənin qızı Leyla olduğunu bildim. Leyla mənə anası Nazilənin dərmanlar içərək hamama girdiyini, cavab vermədiyini dedi. Mən də evimdə olan 95 manat pulu götürüb Naziləgilin yaşadığı evə getdim.
Daha sonra zəng edəndə Leyla telefonu anasına verdi. Nazilə qızı Leylanın ac olduğunu, məktəbə getmək üçün pulu olmadığını dedi. Mən də 45 manatlıq ərzaq alaraq, Naziləgilin evinə yollandım. Yemək yedikdən sonra gecəni həmin evdə keçirdim”.
İsmayılın ifadəsinə görə, səhər gün saat 10 radələrində Leyla onu yuxudan oyadıb, telefonda oyun oynamaq üçün kodu açmasını istəyib: “Mən telefonu açmaq istəyəndə Nazilə telefonun kodunu dəyişdiyini bildirdi. Bunun səbəbini Nazilədən soruşdum. O, səbəb demədən telefonu divara vuraraq sındırdı. Nazilənin bu hərəkəti xətrimə dəydi, evdən çıxaraq getdim.
Telefonu aparıb təmirə verəndə Nazilə ilə olan bütün yazışmaların silindiyini gördüm. Həmçinin, Naziləyə mesaj yazdım. Nazilə mesaj yazmamağımı, yalnız zəng etməyimi istədi”.
Təqsirləndirilən şəxs qeyd edib ki, mayın 25-də Nazilənin doğum günü olub: “Dedi ki, axşam saat 23.00-dan sonra onlara gəlim. Həmin günü axşam saat 12-yə qalmış Naziləgilə getdim. Onun bir avtomobilə əyləşərək getdiyini gördüm. Zəng edəndə mənə kobud sözlər deyərək, onu narahat etməməyimi istədi.
Gecə saat 5-ə işləmiş Nazilə zəng edərək, danışmaq istədi. Lakin konturum olmadığını deyib telefonu söndürdüm və yatdım. Səhər yuxudan oyandıqda anam mənə polis bölməsinə dəvət etdiklərini söylədi. Bölmədə polis əməkdaşı Naziləyə zəng etdi və mənim bölmədə olduğumu dedi. Naziləni bir daha narahat etməyəcəyimlə bağlı ərizə yazdım və polis bölməsindən çıxdım”.
İsmayıl bildirib ki, daha sonra Naziləyə zəng edərək, ondan nə üçün polisə şikayət etməsini soruşub və avtobusa minib evinə yollanmaq istəyən zaman yenidən polis bölməsinə çağırılaraq həbs edilib: “Mən zərərçəkmiş Leylaya qarşı hər hansı seksual xarakterli zorakılıq hərəkətləri etməmişəm. İbtidai istintaq zamanı Pirallahı rayon Polis Şöbəsinin əməkdaşları tərəfindən fiziki zorakılığa, işgəncələrə məruz qalmışam. Bu səbəbdən sərbəst ifadə verə bilməmişəm. Bir daha bildirirəm ki, azyaşlı Leylaya qarşı seksual xarakterli zorakılıq hərəkətləri etməmişəm”.
İş üzrə zərərçəkmiş Leylanın sözlərinə görə, hazırda Zirə qəsəbəsində yerləşən 241 saylı orta məktəbin 2-ci sinif şagirdidir:
“Anam Nazilə təxminən 4-5 il bundan qabaq adı İsmayıl olan "İsi" dediyim şəxslə tanış olub. Bundan sonra anamla İsmayıl birlikdə yaşamağa başladılar. Əvvəllər İsmayıla əmi deyə müraciət etmişəm. Sonralar isə məndən "ata" deyə müraciət etməyimi istədi, həmçinin mənə “qızım” deyəcəyini bildirdi.
Mən də bundan sonra İsmayıla “ata” deyə müraciət etməyə başladım. İsmayıl mənə qarşı həmişə yaxşı münasibətdə olub, mənə oyuncaqlar alıb. Məni mağazaya apararaq istədiklərimi alıb, məktəbə aparıb-gətirib. Biz əvvəl Mərdəkan qəsəbəsində yaşamışıq. Sonradan Pirallahı qəsəbəsinə köçmüşük. Həmin yerdə də kirayədə yaşamışıq”.
Zərərçəkmiş qeyd edib ki, 2022-ci il fevralın sonlarında həmin evdə tək olarkən İsmayıl oraya gəlib: “İsmayıl divanda uzanaraq mobil telefonu ilə tik-toka baxmağa başladı. Mən isə oyuncaqlarımla oynadım. Daha sonra oyuncaqlarımı yığışdıraraq İsmayılın yanına getdim. Onun yanında tik-toka baxmağa başladım. Sonra İsmayıl telefonu "zaryatka"ya qoydu. Bir müddət sonra ondan telefonla oynamaq üçün icazə istədim. İsmayıl isə mənə “ovxala sonra” dedi. Bunu deyərkən İsmayıl əli ilə ayıb yerini göstərdi. Bunu etmək istəməsəm də, əlimdən tutaraq, ayıb yerinə apardı. Həmin vaxt İsmayıl artıq şalvarını aşağı endirdi. Bundan sonra məni əxlaqsız hərəkətlər etməyə məcbur etdi”.
Zərərçəkmiş deyib ki, daha sonra 2022-ci ilin martında, Novruz bayramı ərəfəsində Pirallahıda kirayə yaşadıqları mənzildə evdə tək olarkən İsmayıl onlara gəlib: “Anamın harada olduğunu soruşdu. Mən də Zirəyə getdiyini dedim. İsmayıl kresloda oturaraq telefonla oynamağa başladı. Mən də oynamaq istədiyimi bildirdim. Bu zaman məni hamama apardı. Bir müddət orada da mənə qarşı iyrənc hərəkətlər etdi.
Daha sonra otağa gəldik. Bundan sonra İsmayıl mənə telefonla oynamağa icazə verdi. “Bu barədə anana nəsə desən, ananın yatdığı yerdə başını kəsərəm” deyə bildirdi. Həmçinin İsmayıl mənə anama heç nə deməmək üçün kuklalar aldı. Mən də qorxudan anama heç nə demədim”.
Zərərçəkmiş bildirib ki, anası Nazilənin ad günündən 2 gün əvvəl İsmayıl yenə onlara gəlib: “Həmin vaxt mən İsmayılla otaqda oldum. Anam isə çöldə stəkanları yuyurdu. İsmayıl məndən “anana nəsə demisən?” deyə soruşdu. Mən də heç bir şey demədiyimi söylədim. Bir neçə gün sonra isə anam dedi ki, evə kamera qoymuşam, nə olub, mənə deməlisən. Mən də İsmayılın etdiklərini anama danışdım”.
İş üzrə ifadə verən zərərçəkmiş şəxsin anası Nazilənin sözlərinə görə, İsmayılla 4-5 il birlikdə yaşayıb, yaxşı münasibətləri olub: “İsmayıl qızım Leylaylaəvvəllər yaxşı münasibət saxlayıb. Onların arasında “ata-qız” münasibəti olub. Qızımı hər zaman məktəbə aparıb gətirib, dəfələrlə onu alış-verişə aparıb.
Yaşadığım evin həyətində stəkanları yuyan zaman İsmayılın qızıma “ovxala, telefonu verim” deməsini eşitdikdən sonra ondan şübhələndim. Qızımı aldadaraq evə kamera yerləşdirdiyimi dedim, İsmayılın ona qarşı hər hansı hərəkət edib-etməməsini soruşdum. Bu zaman qızım İsmayılın ona qarşı seksual xarakterli hərəkətlər etdiyini dedi.
Əvvəllər İsmayılın hər hansı hərəkətindən şübhələnməmişəm. Qaldığımız evin kirayə pulunu İsmayıl ödəyib. Aramızda ara-sıra məişət problemləri ilə bağlı narazılığımız olsa da, ciddi münaqişələrimiz baş verməyib. Mən İsmayılın barəsində hər hansı münaqişə ilə bağlı polisə şikayət etməmişəm.
İsmayılın qadınlara və uşaqlara qarşı hərəkətlərində əvvəllər hər hansı qəribəlik görməmişəm. Qızım həmişə düzgün danışan uşaq olub. İsmayıla qarşı hər hansı qərəzi yoxdur”.
Bu cinayət işinə Bakı Ağır Cinayətlər Məhkəməsində baxılıb. Məhkəmənin hökmü ilə İsmayıl 11 il müddətinə azadlıqdan məhrum edilib. Onun cəzasını ciddi rejimli cəzaçəkmə müəssisəsində çəkməsi müəyyən edilib.
Hökmdən narazı qalan təqsirləndirilən şəxs apellyasiya şikayəti verib. O, işinə düzgün baxılmasını, üzərində olan Cinayət Məcəlləsinin 150.3.3-cü maddəsinin götürülməsini istəyib.
Şikayət araşdırılması üçün Bakı Apellyasiya Məhkəməsinə təqdim olunub. Apellyasiya şikayətinin dəlillərini araşdıran hakim heyəti sonda qərar elan edib. Məhkəmə təqsirləndirilən şəxsə qarşı verilən ittihamın düzgün olduğunu, birinci instansiya məhkəməsində işin obyektiv araşdırılması nəticəsinə gəlib.
Bu səbəbdən təqsirləndirilən şəxs tərəfindən verilən şikayət təmin olunmayıb./Teleqraf.com
- 2 həkim bir tibb bacısına görə xəstəxananı DÖYÜŞ MEYDANINA çevirdi..
8 sentyabr 2024 01:45
- Dünyada daha bir QEYRİ - ADİ REKORD - FOTO
7 sentyabr 2024 22:59
- Keçmiş hərbçi arvadını öldürüb intihar etdi
7 sentyabr 2024 22:48
- Məqsədim BALABANI dünyaya tanıtmaqdır
7 sentyabr 2024 21:45
- Bakıya giriş məhdudlaşdırılır ? - Şəhər boşaldılmalıdır”
7 sentyabr 2024 19:58
- Bakıda narkotik satan qız tutuldu - FOTO
7 sentyabr 2024 19:29
- Bakıda HÜQUQ və İQLİM adlı beynəlxalq konfrans keçirilib YENİLƏNİB Baxış sayı: 193
7 sentyabr 2024 10:50
- Çoban qızı Monqolustanı dünya gözəllik müsabiqəsində təmsil edəcək-FOTOLAR
6 sentyabr 2024 21:39
- Zərdabda 18 yaşlı qız APENDİSİT əməliyyatından sonra ÖLDÜ
5 sentyabr 2024 16:17
- Kamran Əliyev separatçıların işi ilə bağlı Rusiya mediasına danışıb
5 sentyabr 2024 12:56
- Ermənilərin Avropaya satdığı Azərbaycan suyu: Bir şüşəsi 2 dollar – FOTO
08 sentyabr 02:52
- Azərbaycan gözəli Nərmin Səfərova ilə Koreyalı bəyin toyu oldu VİDEO
08 sentyabr 02:36
- İlya Rojdestvenski Putinin 2 oğlunu araşdırdı, ŞOK faktlar
08 sentyabr 02:17
- Mirmahmud Mirəlioğlu yol qəzasına düşdü
08 sentyabr 01:57
- 2 həkim bir tibb bacısına görə xəstəxananı DÖYÜŞ MEYDANINA çevirdi..
08 sentyabr 01:45
- Boynunuza BUZ qoyub 20 dəqiqə gözləyin - Ağrıları yox edir
08 sentyabr 01:38
- Ordumuzun Türkiyə modelinə uyğunlaşdırılması... - İclas
08 sentyabr 01:28
- Qazaxın geri qaytarılan kəndlərinə sakinlərin köçürülməsinə hazırlıq gedir - VİDEO
08 sentyabr 01:10
- Türkiyədə İLK QAR YAĞDI
08 sentyabr 00:58
- Tehran daha İranın paytaxtı olmayacaq - YENİ PAYTAXT
07 sentyabr 23:44
- Bu ölkədə MEYMUNlara görə REFERENDUM keçirilir
07 sentyabr 23:11
- Dünyada daha bir QEYRİ - ADİ REKORD - FOTO
07 sentyabr 22:59
- Keçmiş hərbçi arvadını öldürüb intihar etdi
07 sentyabr 22:48
- Deputat Hicran Hüseynova və bacısı Fransada dəniz sahilində 5 MİLYON avroluq villanı sökdürdü - FOTO
07 sentyabr 22:32
- Məqsədim BALABANI dünyaya tanıtmaqdır
07 sentyabr 21:45
- Ərdoğan bu ölkələrə çağırış etdi: İttifaq yaradaq!
07 sentyabr 21:25
- Lamiyə Vəliyeva növbəti medalını qazandı
07 sentyabr 20:14
- Bakıya giriş məhdudlaşdırılır ? - Şəhər boşaldılmalıdır”
07 sentyabr 19:58
- Gömrük Komitəsi İqtisadiyyat Nazirliyinə BİRLƏŞDİRİLİR - SON DƏQİQƏ
07 sentyabr 19:49
- Ətin qiyməti qalxdı -VİDEO
07 sentyabr 19:36
- Alim Qasımov: Mənə dedi ki, köpəkoğlu, bir də mənim səsimi.."
07 sentyabr 19:29
- Bakıda narkotik satan qız tutuldu - FOTO
07 sentyabr 19:16
- Müəllimi bıçaqlayan Canpolad 1 sonra necə azadlığa çıxıb ?
07 sentyabr 19:00
- Şuşaya daha 27 ailə köçdü
07 sentyabr 18:49
- Özəl universitetin prorektoru RÜŞVƏT ALARKƏN SAXLANILDI
07 sentyabr 11:27
- Şirvanda şəhid oğlu özünü asdı
07 sentyabr 11:13
- Bakıda HÜQUQ və İQLİM adlı beynəlxalq konfrans keçirilib YENİLƏNİB Baxış sayı: 193
07 sentyabr 10:50
- Putinlə Pezeşkian görüşəcək
07 sentyabr 10:43
- Müəllimlər kəndlərdə dərs demək istəmirlər: 2 mindən çox vakansiya BOŞ QALIB
06 sentyabr 23:50
- İntihar edən hərbi qulluqçumuzun FOTOLARI
06 sentyabr 23:17