İngiltərədə uşaqlara ən çox Məhəmməd adı qoyulub – Siyahı

2023-cü ildə İngiltərə və Uelsdəki valideynlər doğulan oğlan uşaqlarına ən çox Məhəmməd, qız uşaqlarına isə ən çox Oliviya adını qoyublar.
Yeniavaz.com xəbər verir ki, bu barədə Böyük Britaniya Milli Statistika İdarəsinin (ONS) illik hesabatında məlumat verilib.
Məlumata görə, Oliviya adı ardıcıl ikinci il ən populyar olaraq qalıb. Məhəmməd adı isə Noa və Oliver adlarını geridə qoyaraq ən populyar oğlan uşağı adları reytinqində birinci olub.
Beləliklə, oğlanlar üçün ən yaxşı 3 ad Məhəmməd, Noa və Oliver olub. İlk onluğa Corc, Leo, Artur, Luka, Teodor, Oskar və Henri daxil olub.
2023-cü ildə ən çox qoyulan ilk 3 qız adı da 2022-ci ildəki kimi dəyişməz qalıb: Oliviya, Ameliya və Ayla. Ən populyar qız adları onluğuna həmçinin Lili, Freya, Ava, Ayvi, Florens, Uillou və İzabella daxil olub.
2023-cü ildə 4 min 600-dən çox oğlana Məhəmməd, 3 min 289 qıza isə Oliviya adı verilib.