"Qarabağ danışıqlarında optimist deyiləm" - Azərbaycan XİN rəhbəri

“Təəssüf ki, Dağlıq Qarabağ məsələsi ilə bağlı görüşlərə optimist yanaşmıram. Ermənistanlı həmkarım da çıxışlarında yer qoymur ki, nə isə müsbət bir şey müzakirə edək”.

APA-nın məlumatına görə, bunu Azərbaycan xarici işlər naziri Elmar Məmmədyarov deyib.

O bildirib ki, bütün beynəlxalq təşkilatlar qərar və qətnamələrində Azərbaycanın ərazi bütövlüyünü tanıyır: “ATƏT-in Minsk qrupunun həmsədri kimi Rusiya ilə danışıqlarda bu məsələyə toxunacağam. Hansı addımları atacağımızı müzakirə edəcəyik ki, necə edək ki, “status-kvo”nu dəyişək. Hamı bilir ki, məsələ necə həll olunmalıdır. Danışıqlar masasının üzərində hansı planın olduğunu, məsələni bir günə həll edilməsinin mümkün olmadığını hamı bilir. Qoşunlar ilk növbədə kazarmaya qayıtmalıdır ki, sülhü təmin edək. Bu münaqişə region üçün böyük təhlükədir”. 

   NUH.az