Qrenlandiyanı biz ələ keçirməsək, bunu Rusiya və ya Çin edəcək - Tramp

12 yanvar 2026 12:52

ABŞ Prezidenti Donald Tramp adanı ələ keçirmək planlarını təsdiqləyərək, Qrenlandiyaya dair ərazi iddiaları ilə bağlı yeni bəyanatlar verib. O bildirib ki, əgər ABŞ Qrenlandiyanı ələ keçirməsə, bunu Rusiya və ya Çin edəcək.
Qaynarinfo bu barədə Unian-a istinadla xəbər verir.
"Və mən buna imkan vermirəm", — deyə o vurğulayıb.
Tramp əlavə edib ki, diplomatik yolla getmək və sövdələşmə bağlamaq istərdi, "amma bu və ya digər şəkildə, Qrenlandiya bizdə olacaq". O həmçinin qeyd edib ki, söhbət icarədən və ya qısamüddətli sahiblikdən deyil, məhz satın almaqdan gedir.
"Və əgər biz bunu etməsək, bunu Rusiya və ya Çin edəcək", — deyə Tramp təkrar edib.
O, həmçinin adanın müdafiə qabiliyyəti barədə aşağılayıcı tonda danışaraq, "onların müdafiəsi — iki it qoşqusundan ibarətdir" deyib.
Qrenlandiyanın mümkün ələ keçirilməsinin NATO-ya təsir edib-etməyəcəyi barədə suala cavab verən ABŞ prezidenti belə bir ehtimalı istisna etməyib, lakin "biz onlara, onların bizə ehtiyacı olduğundan daha çox lazımıq" deyə bildirib.
"Mən NATO-nu bəyənirəm. Sadəcə maraqlıdır, əgər NATO bizə lazım olsaydı, onlar yanımızda olardımı? Bilirsiniz, biz NATO-ya çox pul xərcləyirik və mən onların yanımızda olacağına əmin deyiləm", — deyə o vurğulayıb.
Bundan əvvəl bildirilmişdi ki, Böyük Britaniya Arktikada təhlükəsizliyi gücləndirmək və ABŞ Prezidenti Donald Trampın narahatlığını aradan qaldırmaq məqsədilə Qrenlandiyada hərbçilərin mümkün yerləşdirilməsi ilə bağlı avropalı müttəfiqləri ilə danışıqlar aparır.
Eyni zamanda, Qrenlandiya parlamentindəki beş siyasi partiyanın liderləri vahid cəbhədə çıxış edərək ABŞ-dan adanı rahat buraxmağı tələb ediblər. Partiya liderlərinin birgə bəyanatında deyilir ki, Qrenlandiya sakinləri amerikalı olmaq istəmirlər.





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1387