Yaqub Məmmədovun oğluna yüksək vəzifə verildi

3 sentyabr 2025 14:40

Tanınmış alim, iqtisad elmləri doktoru, professor Elşad Məmmədov yeni vəzifəyə təyin olunub.

E.Məmmədov Odlar Yurdu Universitetində Beynəlxalq əlaqələr və strateji inkişaf üzrə prorektor vəzifəsinə təyinat alıb.
Qeyd edək ki, Elşad Məmmədov 1992-ci ildə Bakı şəhərindəki 42 saylı məktəbi qızıl medalla bitirib.
1997-ci ildə Azərbaycan Dövlət İqtisad Universitetinin (UNUC) Kommersiya və Beynəlxalq iqtisadi münasibətlər fakültəsini fərqlənmə diplomu ilə başa vurub.
1999-2004-cü illərdə UNEC-də böyük laborant, 2004-2007-ci illərdə baş müəllim, 2007-2015-ci illərdə dosent vəzifələrində işləyib.
2007-2015-ci illərdə Kommersiya fakültəsində dekan müavini vəzifəsində çalışıb.
2007-2015-ci illərdə həmçinin rabitə və yüksək texnologiyalar nazirinin məsləhətçisi vəzifəsində çalışıb.
2004-cü ildə ona Ali Attestasiya Komissiyasının (AAK) qərarı ilə "iqtisad elmləri namizədi”, 2015-ci ildə isə "iqtisad üzrə elmlər doktoru” elmi dərəcəsi verilib. 2019-ci ildə AAK-ın qərarı ilə "professor” elmi adina layiq görülüb.
Hazırda Azərbaycan Dövlət İqtisad Universitetinin (UNEC) İqtisadiyyat (rus dilində) kafedrasının professorudur.
Elşad Məmmədov 2021-ci ilin martında Əmək və Əhalinin Sosial Müdafiəsi Nazirliyi yanında İctimai Şuranın sədri seçilib.
Bir sıra monoqrafiya və dərslik müəllifi olan E.Məmmədov eyni zamanda yerli və xarici KİV-lərdə iqtisadi təhlilçisi və icmalçı kimi çıxış edir. Ailəlidir, iki övladı var.
Modern.az-ın məlumatına görə, professor Elşad Məmmədov Azərbaycanda kifayət qədər tanınmış şəxsin – Azərbaycan Respublikası Ali Sovetinin sabiq sədri Yaqub Məmmədovun oğludur.
 
Yaqub Məmmədov tibb elmləri doktoru, professor, Azərbaycan Milli Elmlər Akademiyasının müxbir üzvü, Əməkdar həkim, Əməkdar elm xadimi kimi titullara sahibdir. O, 1983-1992-ci illərdə Azərbaycan Tibb Universitetinin rektoru olub.
Yaqub Məmmədov 5 mart 1992 - 18 may 1992-ci il tarixləri arasında Ali Sovetin sədri vəzifəsində işləyib. 6 mart 1992 – 14 may 1992-ci illərdə həm də Azərbaycan Respublikası Prezidentinin səlahiyyətlərini icra edib.
Professor Yaqub Məmmədov 2001-ci ildən Azərbaycan Tibb Universiteti Patoloji fiziologiya kafedrasının müdiri vəzifəsində işləyir.




Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1369