Şirvan Appelyasiya Məhkəməsi bizimxeber.az saytının fəaliyyətini dayandırıb

5 aprel 2025 14:47

 Şirvan Apellyasiya Məhkəməsi Bizimxeber.az saytının və onun onlayn redaksiyasının media subyekti olaraq fəaliyyətinə məhdudiyyət qoyulması (bloklanması) ilə bağlı qərar verib. 
Martın 19-da Şirvan Apellyasiya Məhkəməsi Bizimxeber.az portalının fəaliyyətinin dayandırılması ilə bağlı qərar qəbul edib.
Bu barədə saytın rəhbəri, jurnalist Ədil Hüseynov bildirib. Sayt sahibinin Media Reyestrində qeydiyyatdan keçmək üçün qanunla müəyyən edilmiş 6 ay müddətində müraciət etmədiyi üçün Medianın İnkişafı Agentliyi saytın fəaliyyətinin dayandırılması ilə bağlı iddia qaldırıb. Şirvan Apellyasiya Məhkəməsi martın 19-da keçirilən ilk iclasına iddianı təmin edib. Baş redaktor bildirib ki, məhkəmədə iştirak edib, iddia ilə bağlı etirazlarını səsləndirib, amma məhkəmə MEDİA-nın iddiasını təmin edib. Baş redaktor qərardan Ali Məhkəməyə kassasiya şikayəti verəcəyini bildirib. Baş redaktor bildirib ki, zatən uzun illərdir reklamsızlıq və diğər çətinliklər üzündən Bizimxeber.az bloq kimi fəaliyyət göstərib: "Mən jurnalistəm və fəaliyyətimi də davam etdirəcəm". Qeyd edək ki,Ədil Hüseynov ixtisaslı jurnalistdir, 20 ildir bu sahədə fəaliyyət göstərir.





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1324