Ceyhun Yusifov Adəm Məmmədovun cəzasının ağırlaşdırılmasını istəyir

Vəkillik fəaliyyəti dayandırılmış və həbs edilmiş Adəm Məmmədov azadlığa çıxmaq istəyir.

Musavat.com-un xəbərinə görə, Adəm Məmmədov və qardaşı Xəyyam Məmmədov barələrində çıxarılmış hökmdən apellyasiya şikayəti veriblər.

Məmmədov qardaşları barələrində bəraət hökmü çıxarılmasını istəyirlər.

Ceyhun Yusifov da apellyasiya şikayəti verərək Məmmədov qardaşlarının cəzasının ağırlaşdırılmasını istəyib.

Ceyhun Yusifovun vəkili Asim Abbasov apellyasiya şikayəti verib.

Apellyasiya şikayətlərinə yaxın günlərdə baxılacaq.

Xatırladaq ki, Adəm Məmmədov və qardaşından şikayətçi vəkil Ceyhun Yusifov olub. Adəm Məmmədov Cinayət Məcəlləsinin 147.2-ci (böhtan) və 148-ci (təhqir) maddəsi ilə təqsirli bilinib.

Adəm Məmmədov 6 ay müddətinə azadlıqdan məhrum edilib. Onun qardaşı Xəyyam Məmmədova isə 6 ay müddətə islah işləri cəzası verilib.

Xatırladaq ki, Ceyhun Yusifovun həyat yoldaşını bıçaqlaması ilə bağlı Adəm Məmmədovun qardaşının təsisiçisi olduğu saytda məlumat yer almışdı. Ceyhun Yusifov bu məlumatların yalan və böhtan olduğunu bildirərək məhkəməyə üz tutmuşdu.

Qeyd edək ki, Vəkillər Kollegiyası Rəyasət Heyətinin 27.01.2025-ci il tarixli qərarı ilə Adəm Məmmədovun fəaliyyəti 3 ay müddətinə dayandırılıb.