Niyə yumurtanı qəhvə və ya çayla yemək olmaz? - CAVAB

23 fevral 2025 12:12

Yumurta və çayın və ya qəhvənin birlikdə istehlakı faydalı mikroelementlərin mənimsənilməsinə mane olur. Ancaq bu, əsas problem deyil. Yumurta ən faydalı qidalardan biri hesab olunur: o, zülal, A, D və B12 vitaminləri ilə zəngindir. Lakin qəhvə və ya çayla birlikdə yeyilməsi sağlamlığa mənfi təsir göstərə bilər.
 
Bu barədə Lent.az sizə məlumat verir:
 
Niyə yumurta ilə qəhvə birləşməsi təhlükəlidir?
 
Faydalı tərəfləri:
 
Yumurta – zülal, sağlam yağlar və vacib mikroelementlərlə zəngindir. Qəhvə tərkibindəki kofein sayəsində orqanizmi enerji ilə təmin edir və diqqəti artırır. Amma onları birlikdə qəbul etdikdə qida maddələrinin mənimsənilməsi çətinləşə bilər.
 
Təhlükələri nələrdir?
 
Dəmir və kalsiumun mənimsənilməsinin azalması. Qəhvə tərkibində olan taninlər və polifenollar orqanizmin yumurtadan dəmir və kalsiumu mənimsəməsinə mane olur.
 
Həll yolu: Yumurtalı səhər yeməyindən sonra ən azı 1 saat gözləyib sonra qəhvə və ya çay içmək tövsiyə olunur.
 
Həzm problemləri
 
Yumurta və qəhvə hər ikisi mədə turşusunun ifrazını artırır. Bu isə qıcqırma, turşu reflüksü və ya mədədə narahatlığa səbəb ola bilər. Xüsusilə həssas mədəsi olan insanlar üçün bu problem yarada bilər.
 
Bədənin susuzlaşması riski
 
Həm yumurta, həm də qəhvə yüngül sidikqovucu xüsusiyyətə malikdir. Onları birlikdə istehlak etdikdə orqanizm daha çox maye itirə bilər. Bu isə susuzlaşmaya, ağızda quruluğa və halsızlığa səbəb ola bilər.
 
Tövsiyə: Daha çox su içmək vacibdir. Kofein bəzi dərmanların, xüsusilə antibiotiklərin və antatsidlərin (mədə turşusunu azaldan dərmanlar) təsirini zəiflədə bilər. Əgər bu zaman qida rasionunda yumurta da varsa, dərmanların mənimsənilməsi daha da çətinləşə bilər.
 
Bəs bu məhsulları necə düzgün birləşdirək?
 
Yumurtanı səhər yeməyində yedikdən sonra qəhvə və ya çayı 1 saat sonra için. Alternativ olaraq səhər yeməyində qəhvə əvəzinə bitki çayı və ya sadə su seçə bilərsiniz. Əgər mütləq qəhvə içməlisinizsə, yumurtanı tərəvəzlər və ya tam buğda çörəyi ilə birlikdə yeyin. Bu, qidalanmanı balanslaşdırmağa kömək edəcək.





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1341