Cəfər MTK yanğın hovuzu üzərində obyekt tikir — Bəs, FHN, Nərimanov RİH hara baxır?!

Hadisə22 oktyabr 2024 17:00

Məlumdur ki, Yanğın  Su Hovuzu — Su Anbarı ərazidə, təsərrüfat sahələrində, bina və qurğularda baş verə biləcək yanğınların operativ söndürülməsi üçün daimi su tələbini təmin etmək məqsədi ilə, inşa edilmiş su tutumudur — su  anbarıdır.


Əgər yanğın su hovuzu eyni  zamanda içməli su hovuzu, məişət  xarakteri ilə birgə nəzərdə tutulmuşdursa, eyni qaydalara əməl olunmalıdır.

Yanğınsöndürmə  qaydalarında konkret olaraq göstərilir ki, yanğınsöndürmə üçün nəzərdə tutulmuş su hovuzunun özünü və hovuzun suyunu başqa məqsədlərə görə istifadə etmək qadağandır!

Yanğın su hovuzunun tikintisi zamanı mühüm məsələlərdən biri də, su sızmasının qarşısının alınması məqsədilə etibarlı hidroizolyasiya olunmasıdır. Yəni sızması  olmasın.

Qaydalara  görə, yeraltı yanğın hidrantlarının üstündə nəqliyyat vasitələrini belə saxlamaq olmaz. Hətta  Qaydaların  2.1.6 bəndində yazılır:

 

“Yanğın  su hovuzlrının üzərində  müvəqqəti obyekt   və qurğuların tikilməsinə icazə verilmir”.

İndi isə, gəlin görək, Nəriman Nərimanov rayonu, Faiq Yusifov küçəsi, 51  ünvanında bu xarakterli nələr baş verir ?

Məlumat üçün qeyd edək ki, köhnə Pekin — Çin, indiki “Dəstərxan”  restoranına yaxın məsafədə yerləşən 16 mərtəbəli yaşayış  binasının 1-ci mərtəbəsində RAHAT MARKET yerləşir. Şəkildən göründüyü  kimi marketə bitişik ərazidə, YERİN ALTINDA Yanğın Su Hovuzu var.

Təsəsvvür edirsiniz, BU  HOVUZ  əhalinin sıx məskunlaşdığı məkanda, bəlkə də, yeganə hovuzdur ki, yanğın söndürmə və qəza vəziyyətində xilas olmaq üçün nəzərdə tutulub. Təəssüf ki, yazının girişində qeyd etdiyimiz rəsmi qaydalara  baxmayaraq, hovuzun üzərində hansısa  obyekt tikilir.

Bizdə olan məlumata görə, obyekti  “CƏFƏR” MTK inşa edir. Nə məqsədlə, deyə bilmirik. 

 

Görəsən, Nərimanov RİH, FHN, Fövqəladə Hallar Nazirliyinin Dövlət Yanğın Nəzarəti Xidməti, nəhayətdə, Bakı ŞİH hara baxır?!

Axı, Qaydalarda  qeyd olunur ki, belə su hovuzlarının üzərində nəinki obyekt tikmək, hətta avtomobil saxlamaq olmaz.

İraq olsun, sabah hər hansı yanğın, yaxud qəza baş verərsə, bu qədər əhalinin təhlükəsizliyinə görə, görəsən, KİM MƏSULİYYƏT DAŞIYACAQ?!

Ümid edirik ki, müvafiq  dövlət qurumları qısa zamanda tədbir görəcəklər. Mövzunu gündəmdə saxlayacağıq. Bizi izləyin. /nuh.az

 

 

 





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1329