İranda işləyən azərbaycanlı həkim koronavirusdan danışdı

Günün sitatı26 mart 2020 09:32

"Bayram günləri və tətil olduğu üçün hamı bir-birilə bayramlaşmaq istəyir. Ancaq idiki vəziyyətdə mən hamıya evdə qalmağı məsləhət görürəm. Bu dəfə heç kimin evinə getməyin, gələn qonağa qapı açmayın.

Bu sözləri Azxeber.com-a açıqlamasında İranın paytaxtı Tehran şəhərində həkim işləyən azərbaycanlı Meysam Gəncəvi deyib.
O Azərbaycan xalqına müraciət edib: Küçəyə ancaq məcburiyyət olduqda, nəsə almaq lazım olduqda çıxın. Çalışın müntəzəm olaraq işə də getməyin, evdən işləyin.
Bu xəstəliyə ancaq evdə qalmaqla qalib gəlmək olar. Koronavirus zəncir kimi yayılmaqda davam etdikcə, biz də evdə qalmaqla, toplu şəkildə o zənciri qıra bilərik. Mən Azərbaycan xalqına evdə qalmağı, aldığı ərzaqları yuyub, dezinfeksiya etməyi və 20 saniyə əllərini yumağa çağırıram. Bu gedişlə bu işə çarə tapılacaq deyə bilərəm. Gigiyenik qaydalara əməl etmək lazımdır.
Evdə oturmaqla, qohum-əqrəbanı 1-2 ay görməməklə bu işin öhdəsindən gələ bilərik. Xəstələr çoxaldıqca xəstəxanalar da dolur. Bunun nəticəsi olaraq xəstəxana personalı da yorulur, öz ailələrini görə bilmirlər.
Həkim deyib ki, yalnız rəsmi qurumlara inanmaq lazımdır: Azərbaycan Səhiyyə Nazirliyinin tövsiyyələrinə əməl etmək lazımdır. Sosial şəbəkədə yazılan yalan xəbərlərə aldanmasınlar. Bu gün yalnız Çin bu bəlaya qalib gəlib.
Bu xəstəlik yaşı 60-dan çox olan şəxslər üçün daha təhlükəlidir. Ancaq bunu onların yanında deyib, həmin insanları qorxuya, depressiyaya salmaq lazım deyil. Bu xəstəlik cavan şəxləri də haqlayıb. İranda cavan şəxslərin bu xəstəlikdən vəfat etmə faktları da var. Ona görə heç kim arxayın olmasın, rəsmi qurumlara inansın".
    





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1269