Ukrayna və Rusiyada Hicab Günü münasibətilə xanımlara gül bağışlandı

Mədəniyyət2 fevral 2020 11:03

 

Kiyevin  müsəlman qadınları 1 fevral - Ümumdünya Hicab Gününə həsr olunmuş ibrətamiz aksiya keçiriblər. 
Moderator.az-ın Ukrayna mediasına istinadla verdiyi xəbərdə deyilir ki, tədbirdə 200-ə yaxın insan iştirak edib. Müsəlman xanımlar şəhərin mərkəzi küçələrində rastlarına çıxan həmcinslərinə, o cümlədən digər dinlərdən olan qız və qadınlara çiçək veriblər. 
"Məqsədimiz bir çoxları tərəfindən “qapalı və məzlum qadın” kimi qəbul edilən müsəlman xanımlar haqqında stereotipləri dağıtmaqdır. Hicab geyinməyin gözəl və ləyaqətli olduğunu göstərmək istəyirik" –deyə ukraynalı müsəlman qadın fəallardan biri vurğulayıb. 
Qeyd edək ki, Ümumdünya Hicab Gününün ilk dəfə təşkil edildiyi 2013-cü ildən bəri oxşar tədbirlər Kiyevdə mütəmadi olaraq keçirilir.
Rusiyada da eyni münasibətlə maraqlı aksiyalar keçirilib. Məsələn, Elabuqa şəhərinin ticarət mərkəzlərindən birinin əməkdaşları   Hicab Günü münasibətilə mərkəzə gələn hər xanıma gül və yaylıq hədiyyə ediblər.
P.S. Deyəsən, axı Ukrayna və Rusiya Azərbaycandan daha çox müsəlmanlaşıb?..

 





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1324