“Heç kim sizi zorla deputat seçməyib” - Spiker deputatlara əsəbiləşdi

Spiker Oqtay Əsədov parlamentin bu gün keçirilən plenar iclasında növbəti dəfə deputatlara irad tutub. 

“Qafqazinfo” xəbər verir ki, buna səbəb zalda əyləşən deputatların telefonlarına zəng gəlməsi olub. Bunu eşidən spiker sərt reakiya verib:

“Ay millət vəkilləri, girmisiz Milli Məclisə. Hər dəfə sizə xəbərdarlıq edirik. Bu telefonlarınızı səssizə qoyun da!”

Spiker eyni zamanda deputatlara son xəbərdarlığını da edib. O bildirib ki, bəzi millət vəkilləri günün birinci yarısı iclasa gəlirlər. İkinci yarısı isə burada olmurlar:

“Heç kim burada heç kimdən artıq deyil. Bura heç kimi zorla deputat seçməyiblər. Parlament ayda 3-4 dəfə iclas keçirir. Hamı vaxtında burada iştirak etməlidir. Bir gün gəlib, o biri gün gəlmirlər. Belə işləmək saymazlıq olur. Xahiş edirəm, həmkarlarınıza da bunu deyin”.