“Zeytun Farm”ın aptekləri saxta mineral sular satır

“Zeytun Farm”ın  aptekləri  saxta mineral sular satır

Qidanın insan üçün nə qədər önəmli olduğu barədə Peyğəmbər əfəndimiz  Həzrət  Məhəmməd (s) belə deyib: “Biz yediklərimizin cəmiyik”.

Bəli, keyfiyyətsiz, mənşəyi bəlli olmayan qidalar gec-tez insanın fiziki sağlamlığına, hətta ruh halına təsir etməlidir. Müdriklər əbəs yerə deməyib ki, sağlam ruh sağlam bədəndə olar.

Unutmamalıyıq ki, qida və ərzaq təhlükəsizliyi  milli təhlükəsizliyin ən vacib elementlərindən biridir.

Bütün bunları nəzərə alan cənab Prezident İlham Əliyev qida təhlükəsizliyi ilə bağlı ayrıca qurum yaratdı – Qida Təhlükəsizliyi Agentliyi.

Ancaq hələ də bir çox şirkətlər vətəndaşlara vaxtı keçmiş, mənşəyi bəlli olmayan, saxta qida məhsulları satmaqda, obrazlı desək, milləti zəhərləməkdə davam edirlər.

 NUH.az-a daxil olan məlumata görə, Zeytun Farm MMC-nin aptekləri  “Starıy istoçnik”, “Essenskaya Resept”  və s markalı  saxta mineral  suları məşhur “Yessentuki” mineral suyu adı altında vətəndaşlara satırlar. Nəzərə alsaq ki, bu sular həm də müalicə əhəmiyyətlidir, onda nə qədər xəstələrin saxta mineral sularla “zəhərləndiyini”  təsəvvür etmək olar.

Alıcılar dəfələrlə bu barədə müxtəlif qurumlara müraciət etsə də heç bir tədbir görülmür.

Məsələ ilə bağlı şirkətin idxal şöbəsinin müdiri Xəyalə xanım müxbirimizə  bildirib ki, həmin suların saxta olub-olmaması  ilə bağlı  Qida Təhlükəsizliyi Agentliyinin və Gigiyena idarəsinin rəsmi sənədi var. Kimin şikayəti varsa həmin qurumlara müraciət edə bilər.