DİQQƏT! Kondisioner ölümcül sətəlcəmə səbəb ola bilər

Maraqlı14 avqust 2018 18:32

İsti havalarda fasiləsiz işlətdiyimiz kondisioner əslində ölümə səbəb ola bilər.

 ölkə.az   xəbər verir ki, yaxşı təmizlənməyən kondisionerlər ölümcül sətəlcəmə səbəb olur. Bundan başqa isə yaxın məsafədən soyuq hava axınına məruz qalmağın isə üzün iflicinə, astmaya və digər xəstəliklərin yaranmasına səbəb olma ehtimalı yüksəkdir.
Kondisioner vasitəsilə yaranan xəstəliklərdən ən geniş yayılanı "legionella pnomonisi” xəstəliyidir. Bu bakteriyalar kondisionerlərin filtr sistemlərində uyğun nəm və istilikdə artaraq otağın havasına yayılırlar.
Bu bakteriyalar mərkəzi havalandırma, isitmə-soyutma sistemlərinin istifadə edildiyi bütün məkanlardakı kondisioner sistemlərinin içinə yerləşərək çoxala bilirlər.
Bakteriyalara məruz qalan fərdlərin 5%-ində xəstəlik üzə çıxır. Normal immunitet sistemi olan insanlarda isə xəstəlik üzə çıxmır.
Bu xəstəliklərin ilk simptomları bakteriyaya yoluxduqdan 2-10 gün sonra üzə çıxır. Xəstədə bir neçə gün halsızlıq və yorğunluq olur. Bir çox insanın hərarəti artır. Öskürək, sinə ağrısı və nəfəs darlığı üzə çıxır. Bundan başqa baş ağrısı, ishal, komaya qədər davam edən sinir problemləri yaranır. Müalicə üçün isə antibiotiklər lazımdır.
İsti otaqdan qəflətən soyuq otağa girmək də xəstəliklərə səbəb olur. Kondisioner sadəcə sətəlcəm yox, eyni zamanda yaxın məsafədən yüksək hava axınına məruz qalan insanlarda üzün iflici də ortaya çıxa bilər.
Mütəxəssislər bildirirlər ki, hər il kondisionerlərə qulluq edilməli, təmizlənməlidir. Soyutma dərəcəsi 22-24 dərəcədən aşağı salınmamalıdır. Kondisionerin altında oturub hava axınına məruz qalmaq olmaz.
Evdə istifadə edilən kondisionerlər isə ayda bir dəfə təmizlənməlidir. Filtrləri yuyun, qurudun və yerinə taxın.





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1251