""CinemaPlus" və "Park Cinema" arasında heç bir münaqişə yoxdur" - AÇIQLAMA

Zaur Darabzadə: CinemaPlus yerli dublyajın inkişafına sərmayə qoyan yeganə kinoteatrlar şəbəkəsidir

"CinemaPlus" və "Park Cinema" kinoteatrlar şəbəkələrinin nəyisə bölüşdürə bilməməsi və aralarında münaqişə olmaları barədə şayiələr həqiqətə uyğun deyil."

2Qaynar" xəbər verir lki, bu barədə "Report"a "CinemaPlus" kinoteatrlar şəbəkəsinin baş direktoru Zaur Darabzadə bildirib.

Onun sözlərinə görə, deyilənlərin əksinə, "CinemaPlus" bütün kinoteatrlarla fəal əməkdaşlıq edir, onların rəhbərləri ilə sıx əlaqədədir və ara-sıra onlarla rəqabət aparan kinoteatrların rəhbərlərini qapalı gecələrə və təqdimat mərasimlərinə dəvət edir.

"Bəzi filmlərin bir şəbəkədə göstərilib, digərində göstərilməməsi hər kinoteatrın bir neçə ay əvvəldən hazırlanan öz repertuar planlaşdırması ilə əlaqədardır. Bəzi yerli kino istehsalçıları filmi ekrana buraxmazdan əvvəl kinoteatrlarla məsləhətləşmir. Buna görə də repertuar planlaşdırmasında artıqlıq yaranır. Bu baxımdan bu və ya digər filmin repertuarda yer almaması olduqca normal haldır", - baş direktor bildirib.

O, "CinemaPlus" kinoteatrlar şəbəkəsinin hər zaman yerli kinematoqrafiyanı dəstəklədiyini və bundan sonra da dəstəkləyəcəyini bildirib: "Bunu sadəcə, kinoteatrın rəsmi saytında baxmaqla görmək olar. Orada çox sayda Azərbaycan filminin yaratdığı rəngarənglik asanlıqla hiss edilir. Bunun bir sıra səbəbləri və sübutu var. "Əli və Nino" filminin yalnız "CinemaPus" kinoteatrlar şəbəkəsində nümayiş olunduğunu qeyd etmək olar. Digər kinoteatrlar isə bu filmi nümayiş etdirməyin maliyyə cəhətdən faydalı olmayacağını hesab etdi.

Son uğurlu yerli layihələr olan, “Bayram axşamı” və “Stalin Başı” filmləri distribyutor şirkəti tərəfindən alınmışdır və “CinemaPlus” tərəfindən təqdim olunan daha sərfəli kommersiya şərtləri nəticəsində onlara nümayiş hüququ vermişdir.

“CinemaPlus” yeganə kinoteatr şəbəkəsidir ki, yerli dublyajın inkişafına investisiya edir və gündəlik olaraq bu filmlərə bir neçə seans ayırır. Digər kinoteatrlar belə layihələri mənfəətli hesab etmirlər, bu kontenti qəbul etmirlər. Baxmayaraq ki, dublyaj “Cinemazadeh” studiyasında peşəkarlar tərəfindən edilir. Bizim üçün çox vacibdir ki, azərbaycanlı tamaşaçılar sevdikləri xarici filmləri doğma dillərində baxsınlar". 

Zaur Darabzadə "CinemaPlus"un yerli dublyajın inkişafına sərmayə qoyan yeganə kinoteatrlar şəbəkəsi olduğunu və hər gün belə filmlərə bir neçə saat vaxt ayrıldığını vurğulayıb: "Digər kinoteatrlar belə layihələri sərfəli hesab etmədiyindən bu kontentləri qəbul etmirlər. Hərçənd dublyaj peşəkarlar tərəfindən, "Cinemazadeh" studiyasında edilir. Bizim üçün Azərbaycan tamaşaçısına sevimli filmi öz doğma dilində izləmək imkanı yaratmaq çox vacibdir".

O, "CinemaPlus"un Bakıdan kənarda, Gəncə şəhərində müasir, 5 zallı kinoteatr açan ilk şəbəkə olduğunu xatırladıb: "Bu layihə təkcə paytaxtda yox, həm də Azərbaycanın digər şəhərlərində kino mədəniyyətinin inkişafına böyük təkan verəcək."

  NUH.az