Şahmatçının atasından Azad Rəhimova sərt ittihamlar
İdman13 yanvar 2017 19:59
"Vasif Durarbəyli hələ 2006-cı ildə 14 yaşlılar arasında dünya ikincisi və Avropa çempionu olduqda belə onunla maraqlanmadılar. Təxminən sentyabrdan yanvara qədər heç kim onu axtarmadı. Sanki sıradan nəticə göstərib”. Bunu Azərbaycanın tanınan şahmatçısı Vasif Durarbəylinin atası Sabir Ələkbərov deyib.
Hazırda ABŞ-da təhsil alan qrossmeysterin gələcək karyerasında ciddi problem yaranıb. Atasının sözlərinə görə, aşağı yaş qruplarında dünya və Avropa çempionu, beynəlxalq turnirlərin qalibi olmasına baxmayaraq, övladı biganəliklə üzləşib. Artıq 25 yaşlı Vasiflə Azərbaycan Şahmat Federasiyası (AŞF) arasında ciddi narazılıqlar yaranıb.
Ələkbərov bildirib ki, oğlu ilk ciddi uğurlarını qazandığı vaxtdan haqsızlıqlarla üzləşib: "Hələ 2006-cı ildə məcburiyyət qarşısında qalib, bunu mətbuata açıqlamışdım. Ardınca federasiyadan "niyə belə etdiniz, ilin sonunda biz bunu nəzərə alacaqdıq” söylədilər. Gənclər və idman naziri Azad Rəhimovun köməkçisi məni nazirliyə dəvət etdi. Oğlumun kompüter və yarışlara yollanmaq problemi ilə üzləşdiyini dedim. Rəhimov da kompüter verdi. Sonra bildirdi ki, yarışların Əsasnaməsini gətir, sizi turnirə özüm göndərəcəm. 1 il bitdikdə federasiya buna qıcıqlandı ki, məktubsuz yarışa necə gedirsiz? Ardınca yenidən əlaqələr kəsildi. Nazirin köməkçisi həmin vaxtdan indiyədək bizi qəbul etmir”.
Ələkbərov vurğulayıb ki, indiyədək federasiya tərəfindən övladına lazımı dəstək göstərilməyib. Bir çox müraciətlərdən sonra isə Mahir Məmmədov "SOCAR-Georgia” MMC-nin baş direktoru kimi 2008-ci ilin avqust ayının 11-dən 24-ə kimi Gürcüstana təlim-məşq toplanışına göndərib: "Ardınca yenidən adi qaydada hazırlıq keçsə də, 2010-cu ildə Vasif dünya çempionu adını qazandı. Həyatında yenə hansısa dəyişikliklər olmadı. 2014-cü ildə də mundialın qalibi olduqdan sonra çoxsaylı müraciətlərə əsasən, Moldovaya təlim-məşq toplanışına göndərmək qərarına gəldilər”.
Ələkbərovun sözlərinə görə, Moldova hazırlığı da yarımçıq olub və bunda AŞF-nın vitse-prezidenti Faiq Həsənov problem yaradıb: "Dedilər ki, məşqçini özünüz tapın. Bunu etdikdən sonra federasiya prezidenti Elman Rüstəmovun bu sahə üzrə köməkçisi də nə lazımdı edəcəklərini söylədi. 10 günlük hazırlıq üçün bütün məsələləri həll etdik. Bu zaman Həsənov ortaya çıxdı. Məşqçi Viorel Baloqanla əlaqə yaradaraq, çox yüksək məbləğ istədiyini dedi. 1 gün üçün 200 avroya razılaşmışdıq. Moldovada qalmaqla, gündəlik qida xərclərini qrossmeyster tərəfindən verilməsini məcbur etdi və dedi ki, biz sizə cəmi 2000 avro verəcəyik. Baloqan da "əgər elədisə, 7 gün məşğul olacam” cavabını verdi. Vasif lazımı kursu tamamlanmadı. Bunun üçün məhz həmin 3 gün çatmayıb. Nəticə çıxarın, əvvəl hər şeyi bizə həvalə etdilər. Bunu biz bacardıqdan sonra Həsənov dedi ki, guya biz çox məbləğ demişik və azaltdı”.
Ələkbərov bildirib ki, titullara yiyələnən oğlu 2015-ci ildə reytinqinə görə 4-cü yerdə olsa da, yenə də komandada ögey münasibətlə üzləşib: "Beynəlxalq qrossmeyster, dünya və ya Avropa çempionluğu, habelə ölkədə reytinqinə görə 4-cü yer də heç bir əsas vermədi ki, oğluma əmək haqqı versinlər. Bu məsələni qaldırdıqda yığmanın üzvü olmadığını dedilər. Mən "bu hansı əsasla seçilir” sualını verdikdə, Həsənov dedi ki, bunu komandanı baş məşqçisi seçir. 2012-ci ildə mərhum şahmatçımız Vüqar Həşimov xəstələndikdə baş məşqçi Vladimir Tukmakov məsələ qaldırdı ki, milliyə gələcək üçün əvəzedici hazırlanmalıdı. Həmin vaxt "Naxçıvan Open”i izləyib, seçimini də etdi. O, Vasifin üzərində dayandı. Ardınca bəyan etdi ki, onu millidə görmək istəyirəm. Ukraynalı mütəxəssis Durarbəylini əsas komandaya hazırlamaq və oğluma 1000 manat maaş verilməsi barədə də federasiyanı məlumatlandırdı. Təəssüf olsun ki, Tukmakovun bu sözləri rəhbərliyin xoşuna gəlmədi və yanvardan sonra komandadan uzaqlaşdırıldı. Məsələ də bağlandı. Həmin vaxtdan da millinin üzvləri necə seçilir, hələ də bilinmir. Əmsala görə deyirlər. Bu adam 4-cüdüsə niyə milliyə düşmədi və niyə indiyə kimi maaş almır? Hansı statuslar əsas götürülür?”
Qrossmeysterin atası oğlunun sosial durumundan da narazıdı: "Oğlumun əmsala görə qərarlaşdığı yerdən üzü yuxarı və aşağı hamısına ev verildi. Hansı ki, 5 il öncə Eltac Səfərlidən sonra dedilər ki, növbə sizdədi. Ancaq bunu da etmədilər. Ötən il adımızın ev siyahısına salındığını dedilər. 6 nəfərli ailə 39 kv2-lik evdə yaşayırıq. Vasif gəlib burda necə hazırlaşsın, necə evlənsin?”
Ələkbərov problemlərin haradan qaynaqlandığına da aydınlıq gətirib. O qeyd edib ki, tutarlı olmayan fakta görə oğlu ilə prinsip aparılır: "İllər öncə federasiyada kiməsə dərəcə vermək üçün oyun təşkil etmişdilər. Həsənov əvvəldən deyil, yarışa az qalmış oğluma birbaşa "burda oynamalısan” dedi. Vasif də "Mən orda əmsal itirə bilərəm, niyə gəlməliyəm ki?” cavabını verib. Bu da onun xoşuna gəlməyib və həmin vaxtdan da bu problem də davam edir”.
Sabir bəy vurğulayıb ki, oğlu vəsiqə qazandığı yarışlara aparılmayıb və əvəzində onun yerinə başları yollanıb: "Vasif 2013-cü ildə Dünya Kubokunda iştirak hüquqa yiyələnmişdi. Həmin yarışa Şəhriyar Məmmədyarovla Teymur Rəcəbov əmsala görə düşdü. Sonradan kimsə yarışdan imtina etdi və Eltac Səfərli də Dünya Kubokuna dəvət olundu. Amma federasiya prezidentinin bu 3 şahmatçı ilə yanaşı, yarışa getmək hüququna malik olmayan Rauf Məmmədov yollandı. Vasifi aparmadılar. Bu da psixoloji cəhətdən uşağa təsir edir. Yaxud, Bakıda keçirilən Ümumdünya Şahmat Olimpiadasına hazırlıqlar, təlim-məşq toplanışları reklam xarakteri daşıdı. Yarışa 2 ay qalmış Elman Rüstəmovun Murad adlı köməkçisi zəng etdi ki, bəs Vasif hardadı? Məşqə gəlməlidi, yığmanın heyətindədi. İkinci komandada I lövhədə oynamalıdı. ABŞ-da oxuduğunu xatırlatdım. Əlaqə saxladım, xəbəri olmadığını dedi. Təcili bilet alındı və gəldi. Sonra maaş üçün müqavilə bağlanmalı idi. Vasif köməkçiyə anlaşma ilə razılaşmadığını bildirdi. Murad da rəhbərliyə çatdırmalı idi. Yarışa az qalmışdı, məsələ qaldırdılar ki, guya biz kimisə şantaj edirik. Oğluma dedim ki, turnir Azərbaycan üçündü, oyna. Amma məsələ tam başqa idi”.
Ələkbərovun sözlərinə görə, Olimpiada ərəfəsində də oğlunun hüquqları pozulub: "Azərbaycanda cəmi 7 şahmatçı 2600-dən yuxarı xala malikdi. Onlardan da Şəhriyarla Teymur 2700 çox yığıblar. Bir nəfər isə legioner Arkadi Naydiçdi. Eşitdiyimə görə, ayda 8000 avro verirlər. Oğlum hazırlansaydı, əcnəbiyə niyə o qədər pul verilirdi ki? Olimpiadada 4 nəfərdən Rauf Məmmədovla Eltac Səfərlinin hərəsinə 6000, Qədir Hüseynova 4000, oğluma 1500 manat maaş kəsmişdilər. Özü də onlara ya fevral, ya da aprel ayından əmək haqqı verilirdi. Bu hansı meyarladı, mənə çatmır. Hələ məsələ qaldırıblar ki, ABŞ-dan gəlib-getmə pulu da maaşın içindədi. Biz də müqaviləyə qol çəkmədik, açıq qaldı. Axırda xəzinədar zəng etdi ki, pul burda yığılıb qalıb. Cəmi 4 ayın pulunu verdilər. ABŞ-da təqaüd almır, həmin pula doğurdan da ehtiyac vardı. Müqaviləsiz filansız bir kağıza qol çəkib, pulumuzu götürdük”.
O, bildirib ki, AŞF-nın vitse-prezidenti Məmmədovun köməkliyi də uzun çəkməyib. Qurum rəsmisi 2013-cü ilin aprelində federasiya adından deyil, "SOCAR-Georgia” MMC-nin baş direktoru kimi lazımı dəstək olmağa başlayıb. 1-2 aylıq fasilə də olsa da, 1 il davam edib: "İstəyirəm ki, səbəbini biləm, Vasifin oxuduğu dövrdə xəbərdarlıq edilmədən niyə belə oldu? Ondan sonra yenə Həsənov ortaya girdi ki, federasiya sizə köməklik edəcək. Sentyabrda 500 manat yardım verdi. Onu da ərizə ilə müraciət edəndən sonra fasilələrlə və yanvar, ya fevralda yenidən saxladılar. Dedilər ki, Olimpiadada olacaq. Ondan sonra bu günə kimi heç nə vermirlər. Müraciətlərim cavabsız qalır. Həsənovun icazəsi olmadan, federasiyada milçək uça bilməz. Hər şeyi atır Rüstəmovun köməkçisi Muradı üstünə”.
Ələkbərov sonda gənclər və idman naziri Azad Rəhimova müraciət edib. O bildirib ki, nazirlə görüşüb, bir sıra məsələləri onunla müzakirə etmək arzusundadı. (apa)
NUH.az
Oxşar xəbərlər
- Məhkəmə Rauf Nağıyevin vəzifəsinə bərpası ilə bağlı qərar verdi- ÖZƏL
25 aprel 2024 14:30
- Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT
25 aprel 2024 13:05
- Dedik ki, bir neçə saata Xankəndiyə daxil olacağıq - Prezident
25 aprel 2024 11:35
- Xadimə məktəb direktorunu niyə bıçaqlayıb?
25 aprel 2024 11:07
- Oğluma Ali Baş Komandanın adını verəcəyik - Fotolar
23 aprel 2024 18:36
- NAR Füzulidə yerləşən məktəbə yeni kitablar hədiyyə etdi
23 aprel 2024 18:28
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 2024 12:48
- 700-dən artıq şagirdi məktəbdə yandıran general – o, Hitlerin başkəsəni olduğunu etiraf edib...
21 aprel 2024 15:49
- Tovuz sakini Lətifə Hüseynova keçmiş vəkil Sevil Hacıyeva barəsində Prezidentə müraciət etdi
21 aprel 2024 15:29
- İndi çiyələk yeməyin, zəhərlidir - Ekspertdən xəbərdarlıq
20 aprel 2024 20:31
Xəbər lenti
- İlham Əliyev həmkarına Qarabağ atı hədiyyə etdi - Fotolar
25 aprel 21:20
- Elmira Süleymanova vəfat etdi
25 aprel 14:50
- Məhkəmə Rauf Nağıyevin vəzifəsinə bərpası ilə bağlı qərar verdi- ÖZƏL
25 aprel 14:30
- Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT
25 aprel 13:05
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 13:01
- Təkcə başçı Zakir Fərəcov deyil, onun vəzifə başındakı əlaltıları da...
25 aprel 11:47
- Dedik ki, bir neçə saata Xankəndiyə daxil olacağıq - Prezident
25 aprel 11:35
- Xadimə məktəb direktorunu niyə bıçaqlayıb?
25 aprel 11:07
- Keçmiş başçının hospitalından şikayət
24 aprel 21:35
- BAKCELL bütün ölkəni Bulvardakı konsertə çağırır
24 aprel 21:20
- Onu oğlum yandırmayıb, şantaj üçün özü üzərinə benzin töküb - Yenilənib
24 aprel 20:57
- Prezidentlərin məhdud tərkibdə görüşü oldu - Foto
24 aprel 20:28
- Japarov Azərbaycandadır - Yenilənib
24 aprel 11:42
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31
- Bu ölkə məktəblərdə rus dilinin tədrisindən İMTİNA EDİR
21 aprel 21:14
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 20:20
Video & Fotoqalereya
Video
Fotoqalereya