- ABŞ-dən sülhməramlıların Qarabağı tərk etməsinə - Reaksiya
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
- Rusiyanın sülhməramlı kontingenti Azərbaycanı tərk edir - Video
- Hadi Rəcəbli vəfat etdi - Yenilənib
- Tanınmış həkim telefon nömrəsini satışa çıxardı – 26 min manat
İranlı senatorun 70 il əvvəl Bakıda gördükləri: Bahaçılıq..
İqtisadiyyat11 may 2021 22:59
23 il əvvəl Bakıya gələndə, insanları səfalət içində gördüm. Ərzaq və geyim qıtlığı vardı. Şəhər çirkli idi, səfalət qapılardan və divarlardan süzülürdü. Lakin son səfərimdə şəhərdəki vəziyyət tamamilə dəyişmişdi. Təmiz paltarlı insanlar, corablı və ayaqqabılı qadınlar, abad küçələr, ağaclı-çiçəkli bulvar, qida və geyimlə dolu mağazalar, bir sözlə, hər şey öz axarında...”
Yenisabah.az "Entexab”a istinadla xəbər verir ki, bu sətirlər Stalin hakimiyyətinin son ilində – 1952-cü ilin aprelində keçmiş SSRİ-yə səfər etmiş "Ettellat” qəzetinin naşiri və İran senatının üzvü Abbas Məsudinin ""Dəmir pərdə”nin arxasında gördüklərim” kitabındandır.
İlk dəfə Stalinin hakimiyyətinin altıncı ilində Sovet İttifaqına səfər etmiş şah dövrünün tanınmış jurnalist və siyasətçisi bir neçə dəfə sovetlər ölkəsində olub. Onun son səfərində Bakı ilə bağlı xatirələr yer alıb.
Sovet İttifaqına dördüncü səfərinə dair ""Dəmir pərdə” arxasında gördüklərim” kitabında müəllif yazır:
"Bu, Sovet Rusiyasına ilk səfərim deyildi. Sovet İttifaqına ilk səyahətim 23 il əvvəl, 1929-cu ildə olub və Sovet İttifaqına növbəti səyahət üçün dördüncü dəfə Xəzər dənizi adladım.
23 il əvvəl dənizin bu tərəfində Pəhləvi (Ənzəli) limanını və dənizin digər tərəfində Badkubə (Bakı) limanını gördüm ki, bu gün ikisini müqayisə etdikdə, çox böyük bir fərq gördüm...
23 il əvvəl Bakıya gələndə, insanları səfalət içində gördüm. Ərzaq və geyim qıtlığı vardı. Şəhər çirkli idi, səfalət qapılardan və divarlardan süzülürdü. Lakin son səfərimdə şəhərdəki vəziyyət tamamilə dəyişdi. Təmiz paltarlı insanlar, corablı və ayaqqabılı qadınlar, abad küçələr, ağaclı- çiçəkli bulvar, qida və geyimlə dolu mağazalar, bir sözlə, hər şey öz axarında...
Sovet ittifaqına səfərim zamanı bir günü Bakıda keçirdim və bir həftə Moskvada oldum.
...Kiçik sərnişin gəmisi "Pioner” sovet hökumətinin qonaqlarını qəbul etmək üçün sahildə lövbər atmışdı. Yolasalma mərasimi üçün limanda bir qrup gömrük işçisi və sərnişinlərin dostları, habelə bir neçə sovet casusu toplaşmışdı. Gəminin yanında çamadanlar gözə dəyir və hamı sahildən ayrılma vaxtını gözləyirdi. Birdən rus dilindən fars dilinə bir mesaj tərcümə edildi: "Cənablar, gəmi üçün bilet alınmalıdır!”
Üzlər qızardı və hirsli ifadə aldı. Bu nə deməkdir? Sovet hökumətinin qonağıyıq, niyə bilet almalıyıq ki?! Gəmi kapitanı dedi: "Mən təqsirkar deyiləm, müvafiq göstəriş verilməyib. Qonaqları Moskvaya çatdırmaq üçün gəmini gətirmişəm, amma bilet barədə mənə bir söz deyilməyib”.
Hamı təəccüblə bir-birinə baxdı, xoşagəlməz məlumatdan təsirləndi və bir saat sonra sərnişinlərdən heç biri göyərtədə qalmadı. Söhbət yalnız bilet almaqdan getmirdi, nümayəndə heyəti bu cür halların sonrakı günlərdə təkrar ediləcəyindən narahat idi.
Araşdırma nəticəsində sovet hökumətinin Bakıya gəlişdən Pəhləvi limanına qayıdışa qədər olan məsafənin qəbul proqramına daxil etmədiyi ortaya çıxdı. Bir saat sonra nümayəndə heyətinin biletini cənab Çitsaz 1750 riala aldı və müşkül çözüldü.
"Pioner” Pəhləvi (Ənzəli) limanından ayrılaraq Xəzər dənizinin duzlu sularına qərq olduğu vaxt 28 aprel, Cümə günü, günortadan sonra saat 3 idi. Gəminin kiçik salonunda səliqəli masa örtükləri, qırmızı pərdələr və sovet liderlərinin portretləri gözə dəyirdi, qələbəlik ora toplaşmışdı və səsgücləndiricidən mütəmadi olaraq Qafqaz, xüsusən, gürcü melodiyaları səslənirdi.
Birdən 12 nəfərlik heyətimizdən kimsə dedi: "Cənablar, bir təklifim var. Sabah günortadan əvvəl, yəni 22 saatdan sonra müxbirlərin bizi əhatə edəcəyi və orğu-suala tutacağı Bakıya yetişəcəyik. Nə danışacağımız indidən məlum olmalıdır. Şübhəsiz, neft məsələsi jurnalistlərin suallarında əsas yer tutacaq, bu mövzuya önəm verirlər və cavablar qabaqcadan düşünülməlidir”.
...Şənbə günü, günorta saatlarında üfüqdə uzaqdan meşəyə bənzəyən neft quyuları ilə Bakı göründü. "Meşə” "ağaclar”la dolu idi, sahildə və qismən suda göyə ucalan neft buruqlarının hündür dirəkləri bu bölgənin əhəmiyyətini göstərirdi.
Böyük və kiçik tankerlər Bakı sahilini doldurmuşdu, bununla bərabər, yeni binaları görmək olurdu və biz sahilə yaxınlaşırdıq.
"Pioneer” gəmisi Bakı gömrük limanında lövbər atmazdan əvvəl sahil sularında dayandı, bir həkim və iki zabit gəmiyə daxil olub pasportları yoxladı və gəmi yenidən yola çıxaraq gömrükdə dayandı.
Heyrət! Bəs jurnalistlər haradadır?! Baxın, körpünün üstündə 2 zabitlə birlikdə yalnız bir kişi və bir qadın dayanıb, başqa canlı görünmür.
Bakının mənzərəsini seyr edən bir nəfər: "Tələsməyin, jurnalistlər bizi gömrük binasının çölündə gözləyə bilər”, – dedi. Bir başqası: "Jurnalistlərin bizi görməməsi qeyri-mümkündür”.
"Cənab, sizcə, buradakı jurnalistlər də bizim jurnalistlər və indi boynumuza minmiş digər ölkələrin jurnalistləri kimidir?!”
"Səhv salmayın, bura Sovet İttifaqıdır, – dedim. – Bura nizam-intizam ölkəsidir. Buradakı vəziyyət dünyanın hər yerindən fərqlidir. Jurnalistlər burada prinsiplərə uyğun olaraq işləyirlər. Xəbər və müsahibə barədə göstəriş yoxdursa, ortada görünmürlər, ölkələrinə daxil olan əcnəbilərlə icazəsiz əlaqə yaratmaları mümkün deyil”.
Günorta gəminin pilləkənləri ilə enib sahilə ayaq basdıq. Bizi ilk qarşılayan "İnturist”in xanımı idi. "Xanım İnturist”i Avropaya illər öncə səyahət etmiş bütün iranlılar tanıyır. İllər onun simasında dəyişikliklər etsə də, hələ də çox mehriban bir qadındır. Qonaqları gömrüyə aparmaq, rəsmi tələbləri yerinə yetirmək və daha sonra "İnturist”də yerləşdirmək onun vəzifələridir.
Xanımın yanında dayanan, iltifatdan sonra qəflətən heyəti müşayiət etmək üçün liman körpüsünə doğru irəliləyən ikinci şəxsin adı İosif idi. O da "İnturist”i təmsil edirdi.
Gömrükdə rəsmi işlər ehtiram və əngəl olmadan başa çatdıqdan sonra İosif və həmkarı bizi dörd "İnturist” avtomobilində otelə apardı. Bir neçə təmiz küçədən keçdik, adamları qaydasında gördük, 23 il əvvəlkindən fərqli olaraq, şəhərdə qovşaqları xoş geyimli milislərin idarə etdiyini, çox sayda maşın gördük. Köhnə Bakı malikanələrinin sındırılmış qapı və pəncərələri gözə dəymirdi, dükanlar açıq idi və vitrindən içəridəki mallar görünürdü.
Hamını təəccüb bürüdü, insanları geyimli-keçimli görmək təsəvvürümüzə belə gəlməzdi. Təmiz küçələr, qapı-pəncərəli binalar, yaşıllıq. Halbuki bir neçə il əvvəl şəhərin və insanların vəziyyəti çox pis idi. Bakı keçmişdən çox fərqli olduğunu göstərirdi.
..."İnturist”in təmtəraqlı restoranda İran nümayəndə heyəti nahar etdi və qarsonlar təmiz libaslarda bizə xidmət göstərdilər.
Heyətin rəhbəri doktor Mətndəftərinin qarşısına qoyulmuş hesaba görə heyət üzvləri ödənişdən azad edilirdi – 440 rubl. 1 dolların məzənnəsi 4 rubldur və bu hesabla, 12 nəfərlik nahar 110 dollara başa gəlib.
"İnturist” restoranındakı hesab bizi malların qiymətini düşünməyə və öyrənməyə vadar etdi və biz dolanışığın nə qədər baha olduğunu başa düşdük. Araşdırmalar zamanı bildik ki, portağalın qiyməti 6 rubl, yəni 1,5 dollardır. Bir kilo çörək 4 rubl, ətin kilosu 18-24 manat, kərə yağının kilosu 35 rubl, 1 kq şəkərin qiyməti 24 rubl.
Həqiqətən, insanlar bu bahaçılıqla necə yaşayırlar?!
İosifin əmri ilə bizi saat 5-də Bakının dəmir yolu vağzalına aparmazdan əvvəl şəhərdə gəzdirən taksi sürücüsünün suallarımıza cavabı bir çox mətləbi aydınlaşdırdı.
– Aylıq maaşınız nə qədərdir?
Taksi sürücüsü cavab verdi:
– 650 rubl.
– Arvadınız və övladlarınız var?
– İşləyən və maaş alan bir arvadım var. Ayda min rubl alır.
– Evin kiayə haqı nə qədərdir?
– 15 rubl.
Bu necə ola bilər?! Kirayə haqqı niyə bu qədər ucuzdur? 15 rubl, bir otaq üçün, 1650 manat maaşla!
Taksidə üç nəfər idik və sürücünün heç bir sözünə inanmadıq.
Bir neçə köhnə küçədən keçib yeni inşa edilmiş məhəlləyə aparıldıq, yaşayış üçün tikdikləri çoxmərtəbəli binaları uzaqdan izlədik. İnşaat işlərini, böyük Hökumət Evini və inşası davam edən binaların təməllərini gördük.
Nizami Gəncəvi meydanına gedən yol. İranın məşhur şairinə muzeyin qarşısında, meydanın ortasında qoyulmuş böyük heykəli diqqətimizi çəkdi. Bu, sovet hökumətinin şairlərə və alimlərə böyük əhəmiyyət verdiyini göstərirdi. Vaxtilə İrana mənsub olan Gəncə indi Sovet İttifaqının bir parçası olduğundan bu əziz İran şairi onlarınkı kimi tanınır, buna görə də, meydandakı parkda heykəli qoyulub və əsərləri muzeydə saxlanılır.
Digər böyük şair və yazıçıların da yeri Sovetlərin gözündə ucadır. Sovet İttifaqında Firdovsinin minilliyini qeyd etmək üçün tədbir keçirilsə, bu ölkədəki insanlar, əsasən, uşaqlıqdan öz şairləri ilə tanışdır, indi Tolstoy kimi məşhur rus yazıçısını hər bir məktəbli tanıyır və əsərlərini oxuyur.
Bakıda üstündə fars və ərəb yazısı olan nəhəng bir bina gördük və girişin qızılı sətirləri arasında "Tağıyev” adını oxuya bildik. Məlum oldu ki, burada iranlılara məxsus böyük malikanələr var, indi orada sovet ofisləri yerləşir. Bakıda bu cür binalar çoxdur, onlar neft bumunun yadigarlarıdır.
Taksidə sürücü ilə yenə dolanışıq barədə danışdıq... Bir cüt ayaqqabının qiyməti 250-300 rubl, qadın köynəyinin qiyməti 400-700 rubldur.
İosif bizi xüsusi vaqona yerləşdirdikdən və vaqon- restoranın menecerinə təqdim etdikdən sonra vidalaşdı və qatar yola çıxdı.
...Hamı restoran radiosunun ətrafına toplanmışdı.
Nə baş verir?
"İndi Kreml qiymətlərdə endirim qərarını açıqlayacaq”, – deyə cənab Sərvəryan şirin fars dilində cavab verdi.
Oxşar xəbərlər
- İlham Əliyevə telefon açıb xahiş etdi
17 aprel 2024 10:38
- Hadi Rəcəbli vəfat etdi - Yenilənib
17 aprel 2024 10:29
- Tanınmış həkim telefon nömrəsini satışa çıxardı – 26 min manat
16 aprel 2024 11:16
- Vəzifədə olan dayısının evindən 90 min oğurlayıb - Qumarda uduzdu
16 aprel 2024 10:08
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 2024 17:25
- Vəkillik fəaliyyətindən qovulmuş Sevil Hacıyeva məmurları TERROR-çuluqda ittiham edir
15 aprel 2024 10:27
- Zakir Fərəcovun işlətdiyi və aldadaraq, milyonlarını vermədiyi bir qrup iş adamı bir daha Prezidentə üz tutdu
13 aprel 2024 09:29
- Bakıda uduzmaq üçün mənə 300 min dollar təklif etdilər
12 aprel 2024 11:30
- Bakıda yanacaqdoldurma məntəqəsində benzinə su qatılıb? - Rəsmi açıqlama
11 aprel 2024 20:25
- Vaqif Səmədoğlu niyə hirslənmişdi? - Firuz Mustafa yazır
10 aprel 2024 22:53
Xəbər lenti
- Mikayıl Cabbarova yeni müavin təyin edildi - Sərəncam
18 aprel 11:56
- ABŞ-dən sülhməramlıların Qarabağı tərk etməsinə - Reaksiya
18 aprel 11:43
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
18 aprel 11:07
- Rusiyanın sülhməramlı kontingenti Azərbaycanı tərk edir - Video
17 aprel 11:26
- İlham Əliyevə telefon açıb xahiş etdi
17 aprel 10:38
- Hadi Rəcəbli vəfat etdi - Yenilənib
17 aprel 10:29
- Tanınmış həkim telefon nömrəsini satışa çıxardı – 26 min manat
16 aprel 11:15
- Ailəli müəllim məktəbli ilə çılpaq halda maşında yaxalandı
16 aprel 11:06
- Müharibə veteranlarına şad xəbər: 80 manat artırılır – Deputat məbləği açıqladı
16 aprel 10:17
- Vəzifədə olan dayısının evindən 90 min oğurlayıb - Qumarda uduzdu
16 aprel 10:08
- 2300 maaşım idi, ayda 15 min manat paket alırdım - Sabiq nazir
16 aprel 09:45
- Məktəb direktoru haqda son qərar - Qalan ömrünü həbsdə keçirəcək
16 aprel 09:31
- Almaniya kansleri - 66 yaşım var, heç vaxt marixuana çəkməmişəm
15 aprel 21:16
- Sabiq baş həkimə hökm oxundu - 8 il 6 ay həbs
15 aprel 20:53
- Akademik Zərifə Əliyevanın anım günüdür
15 aprel 20:43
- Akif Çovdarov yenidən məhkəmədə: 30 milyonluq əmlakın taleyi necə olacaq?
15 aprel 10:22
- Tokayev İrəvanda səfərdədir - Foto
15 aprel 09:49
- Dubayda qızıldan hazırlanan alt paltarları satışa çıxarıldı
14 aprel 20:39
- İmişlidə məktəbliləri cərəyan vurub öldürdü
14 aprel 18:44
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 17:25
- Vəkillik fəaliyyətindən qovulmuş Sevil Hacıyeva məmurları TERROR-çuluqda ittiham edir
14 aprel 16:37
- İrandan qovulan, Fransada səfil vəziyyətinə düşən, Amerikada ömürlük cəza alan erməni qatilin faciəli sonluğu...
14 aprel 15:24
- Oqtay Əsədovun həyat yoldaşı son bir ildə Moskvada 14 milyon qazanıb
14 aprel 11:41
- Narkotik satan AXUND həbs olundu - Foto
13 aprel 13:04
- Kür çayında batan ata və altı yaşlı qızının FOTOSU
13 aprel 10:05
- Zakir Fərəcovun işlətdiyi və aldadaraq, milyonlarını vermədiyi bir qrup iş adamı bir daha Prezidentə üz tutdu
13 aprel 09:29
- Çingiz Abdullayev xəstəxanaya yerləşdirildi - Vəziyyəti ağırdır
13 aprel 08:38
- Əməkdar artist vəfat etdi
12 aprel 21:21
- Günəş "öləndə" nələr baş verəcək?
12 aprel 21:03
- Türkiyədə 2028-ci il seçkiləri: Əkrəm İmamoğlu, yoxsa Səlcuk Bayrakdar?
12 aprel 12:56
Video & Fotoqalereya
Video
Fotoqalereya