Sərdar Cəlaloğlu övladının Londondakı şirkətindən danışdı
Cəmiyyət5 noyabr 2019 12:04
Avropada yaşayan jurnalist Cavanşir Həsənli yazıb ki, Azərbaycan Demokrat Partiyasının (ADP) sədri Sərdar Cəlaloğlunun övladı Cəlal Məmmədov Londonda şirkət açıb. Onun bildirdiyinə görə, "SYNERGY COOPERATION LIMITED” şirkəti bu il fevralın 15-də qeydiyyatdan keçib. C.Həsənli qeyd edir ki, S.Cəlaloğlunun qardaşı Qurban Məmmədovun da oğlu Britaniyada şirkət açmışdı.
Qoşqar Məmmədova məxsus "BYTE IT LTD” 2011-ci ildən fəaliyyət göstərib, maliyyə çətinlikləri üzündən 2015-ci ildə bağlanıb.
ADP sədri bununla bağlı "Yeni Musavat"ın suallarını cavablandırıb. Onun müsahibəsini təqdim edirik:
- Sərdar bəy, oğlunuzun Londonda şirkət açması düz xəbərdir?
- Kaş ki düz olaydı... Əvvəla, çox şad olardım ki, oğlum Londonda şirkət açsın. Çünki Cəlal beynəlxalq hüququ oxuyub, 15 ildir İngiltərə vətəndaşıdır. Amma bildiyim qədər şirkət açmayıb. Çünki onun səhhətində problem var. Ona görə yüngül, "qara” işlə məşğul olmasını istəmişik. İndi Cəlal taksi sürür. Şirkət açdığı deyilən Cəlal Məmmədovun atasının adının Sərdar olduğu orada qeyd olunmayıb. Ola bilsin ki, başqa Cəlaldır. Yəni mən Cəlalın şirkət açmasından xəbərsizəm. Amma özüm də ona demişəm ki, bizneslə məşğul ol. Sadəcə, biznes qabiliyyətimiz aşağıdır, ailəmizdən güclü biznesmen çıxmayıb. Amma yenə də oğlumdan dəqiqləşdirərəm, əgər şirkət açıbsa öyrənərəm. Mən çox arzu edərdim ki, Cəlalın şirkəti olsun.
- Ümumiyyətlə, onun şirkəti olmayıb?
- İngiltərədə şirkət açmaq asan məsələdir. Sizin fikriniz Azərbaycana getməsin. Sən orada üç saata şirkət yarada bilirsən. Axı İngiltərədə bürokratiya yoxdur, bir əməliyyat keçirirsən, şirkət qurursan.
- Amma cəmiyyət həmişə qınayır ki, müxalifət liderləri uşaqlarını xaricə çıxarıb, camaatın uşaqlarını mübarizəyə səsləyirlər...
- Mənim uşaqlarımın ölkədən getməsinin öz tarixçəsi var. 2003-cü ildə həbsdə olanda Andreas Qross (o vaxtkı AŞ PA həmməruzəçisi - E.S.) dedi ki, uşaqlarını tutacaqlar. Mənə təklif elədi ki, razılıq ver, onları çıxaraq. O vaxt bir oğlum Sankt-Peterburqda oxuyurdu, Cəlal isə Bakıdaydı. Qross mənə dedi ki, uşaqları incidəcəklər. Mən artıq həbsdən çıxanda Rusiyada olan oğluma BMT mühacir statusu vermişdi. Sonra ikisini də İngiltərəyə göndərdilər. Qızım isə ailə qurdu, həyat yoldaşı yaxşı yerdə işləyirdi. Məni tutanda kürəkənimin iki yolu varı idi: ya ölkədən getmək, ya da ailəni dağıtmaq. Onlar da İngiltərədədir. Yəni biz uşaqlarımızı ölkədən qaçırmamışıq. Əksinə, onların heç biri xaricdə yaşamağa razı deyildi. İndi də darıxırlar. Hazırda iki nəvəm Norveçdə yaşayır, 5 nəvəm isə İngiltərə vətəndaşıdır. Yəni bir var kefdən, bir də var məcbur qalıb mühacirətə gedəsən. O dövrdə şərtlər belə diktə edirdi.
- Nəvələrinizi görmüsünüz?
- Nəvələrimi görmüşəm. Mən gedib-gəlirəm, onlar da gəlirlər. Amma İngiltərəyə gedəndə bir ay sonra darıxmağa başlayıram. Pisdir, hər nədirsə, ən gözəli Azərbaycandır. Mənim vətənimdən getmək fikrim yoxdur, övladlarım da qayıtmaq istəyirlər. Sadəcə, burada şərait yoxdur. Sizə asan gəlməsin. Onlar Azərbaycanda harada işləyəcəklər? Heç özüm də onların qayıtmasının tərəfdarı deyiləm. Nə vaxtsa normal şərait olarsa, qayıtmağa razılaşaram.
- Mən sizin üzərinizdə fokuslamıram, Əli Kərimlinin, Arif Hacılının və başqa siyasətçilərin uşaqları da xaricdədir. Övladı Avropada, Amerikada olan siyasətçinin millətin uşaqlarını mübarizəyə səsləməsi nə dərəcədə etikdir?
- Burada qeyri-etik heç nə yoxdur. Stalin deyirdi ki, oğul ataya görə məsuliyyət daşımır. İkincisi, Sərdar Cəlaloğlu heç kəsin qızını və ya oğlunu küçəyə çağırmır. Mənim oğlumu elə mitinqlərdə iştirakına görə tutmaq istəyirdilər. Biz vətəndaşları bizim yox, öz azadlığı üçün mübarizəyə çağırırıq. Belə çıxır ki, guya övladlarımızı gizlədirik. Ümumiyyətlə, həmin vaxt həbsdə idim, mənim onları ölkədən çıxarmaq imkanım yoxuydu, bunu Qross elədi.
Mən sizə bir faktı deyim: o vaxt Amerikadakı görüşlərimə və çıxışlarıma görə Naxçıvanda əleyhimizə mitinqlər təşkil olunmuşdu. ABŞ Dövlət Departamentində görüşlərdə olmuşdum. Departament rəsmisi mənimlə şəxsi görüş istədi. Dedi ki, həyatınıza təhlükə var, Azərbaycana getməyin, qalın. Mənə ən yüksək səviyyədə mühacir statusu təklif elədi. Hətta Rəsul Quliyev dedi ki, düz deyirlər, getmə, qal. Dedim, gedərəm, kişi kimi də ölərəm, amma qalmaram. Onda kəndimizin camaatı deyirdi ki, onları asın, kəsin, bu ailəni vətəndaşlıqdan çıxarın.
- İnsanlar deyirlər ki, liderlərin uşaqları da gəlsin, bizə qoşulsun, aksiyaya çıxsınlar...
- Bu tayfa davası deyil ki?! Biz iqtidara traybalist deyirik. Amma müxalifətdən tayfabaz olmağı gözləyirik. Məsələn, Siyavuş Novruzovla bibi nəvəsiyik, indi ona deyim ki, niyə YAP-dasan? Çox qohumlarımız vardı ki, bizimlə eyni mövqeyi bölüşmürdü. Amma o dövrdə repressiyaya dözməyib ölkədən getdilər. Mən qohumumu qoruya bilmirəmsə, günahım nədir? Bu dəqiqə ali savadlı, mütəxəssis olan qardaşım taksi şoferi işləyir. Halbuki konservatoriyanı qurtarıb. Böyük qardaşım bilirsiniz ki, müharibədə döyüşüb, qazidir. Qurban bəy isə vəkil idi. Mən həmişə deyirdim ki, Azərbaycanda vəkillərin "qızıl onluğu”nda Qurban bəy var. Onu da o qədər sıxışdırdılar, vəkillik mandatını əlindən aldılar, həbs elədilər. İnsan bütün ömrünü həbsdə çürütməli deyil axı?! Məsələn, xalam uşaqları baş götürüb Rusiyaya getdilər. Bizim tayfada nə qədər ali təhsilli varsa, ölkədən gedib. Yəni onlar mənim qohumumdu deyə sıxışdırılıblar. Odur ki, reallıq budur, indi nə etməliyəm?
- Yeri gəlmişkən, qardaşınız Qurban Məmmədovun oğlu Qoşqarın da Londonda şirkət açdığı yazılıb...
- Qardaşımın günahı nədir? Onun oğlu acından ölməlidir? Ümumiyyətlə, şirkət açmaq anlayışı fərqlidir. Siz elə bilirsiniz ki, şirkət çox böyük bir müəssisə deməkdir. İngiltərədə pinəçi də bir köşk açırsa, onu şirkət kimi qeydiyyata salmalıdır. Qoşqar Londonda kompüter təmir edir. Sən bufet də açsan, şirkət kimi rəsmiləşdirməlisən. Qurban bəyin bir oğlu da İspaniyada yaşayır. Onu da burada sıxışdırmışdılar. Acından ölməli deyildi, məcbur getdi. Eləcə də Qoşqar getdi. Azərbaycanda işləməyən adam ailəsini necə dolandırsın? Bu gün nazirlərin uşaqlarının İngiltərə vətəndaşlığı var. Bizimkilər məhrumiyyətdən gedir, onlar oğurlanmış pulları ora daşıyırlar. Siz bundan danışın. Mən çox istəyərdim ki, həmin jurnalist oğlum Cəlalın şirkətinin fəaliyyət profilini də açıqlasın, hesabında nə qədər maliyyə olduğunu araşdırsın. Cəlalın çox yaxşı əlaqələri var. O, Malayziya kralının oğlu ilə dostdur. Bu cür yüksək ranqlı münasibətləri çoxdur. Ona həmişə deyirəm ki, bu əlaqələrdən istifadə elə, pul qazan. Sadəcə, səhhəti imkan vermir.
Oxşar xəbərlər
- Sərdar Cəlaloğlu - İsa Qəmbər başqanlıqdan gedəndə ona dedim ki..
4 aprel 2024 12:37
- İstədiyimiz nəticəni əldə edə bilmədik - Ərdoğan seçkidən danışdı
1 aprel 2024 10:30
- Həkim əllərin titrəməsinin səbəblərindən danışdı
26 mart 2024 10:05
- Crocus City Hall-da YALIN ƏLLƏ terrorçunu zərərsizləşdirən şəxs danışdı - VİDEO
23 mart 2024 18:55
- Həbs olunan terrorçu danışdı: Pula görə elədim... - VİDEO
23 mart 2024 16:18
- Azərbaycanlı ictimai fəalı Türkiyədə kim döy(dür)üb?-Zərəçəkən bəzi məmurlardan şübhələnir-Video
22 mart 2024 20:55
- SOCAR Lukoil-dən pul alıb ABŞ banklarına olan 1.3 milyard borcunu ödədi
17 mart 2024 12:27
- Ordumuz 1 saata bu kəndləri geri qaytaracaq - SENSASİON ANONS VERİLDİ
17 mart 2024 11:26
- Prezident Natəvanın heykəlindən danışdı
14 mart 2024 17:53
- Adların mənası – TAM SİYAHI
12 mart 2024 21:50
Xəbər lenti
- İmran Əliyev həbs edildi
19 aprel 20:39
- İlham Əliyev 4 kəndi də qaytardı
19 aprel 20:32
- Əliyevlə Putin Moskvada görüşəcək
19 aprel 20:22
- Kəmaləddin Heydərovdan yüksək vəzifəyə təyinat (FOTO)
19 aprel 12:15
- Sülhməramlıların Qarabağdakı missiyası başa çatıb - Rusiya KİV
19 aprel 11:56
- Respublika Pediatriya Mərkəzi yaradıldı - Direktor o oldu+Fotolar
19 aprel 11:42
- Mikayıl Cabbarova yeni müavin təyin edildi - Sərəncam
18 aprel 11:56
- ABŞ-dən sülhməramlıların Qarabağı tərk etməsinə - Reaksiya
18 aprel 11:43
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
18 aprel 11:07
- Rusiyanın sülhməramlı kontingenti Azərbaycanı tərk edir - Video
17 aprel 11:26
- İlham Əliyevə telefon açıb xahiş etdi
17 aprel 10:38
- Hadi Rəcəbli vəfat etdi - Yenilənib
17 aprel 10:29
- Tanınmış həkim telefon nömrəsini satışa çıxardı – 26 min manat
16 aprel 11:15
- Ailəli müəllim məktəbli ilə çılpaq halda maşında yaxalandı
16 aprel 11:06
- Müharibə veteranlarına şad xəbər: 80 manat artırılır – Deputat məbləği açıqladı
16 aprel 10:17
- Vəzifədə olan dayısının evindən 90 min oğurlayıb - Qumarda uduzdu
16 aprel 10:08
- 2300 maaşım idi, ayda 15 min manat paket alırdım - Sabiq nazir
16 aprel 09:45
- Məktəb direktoru haqda son qərar - Qalan ömrünü həbsdə keçirəcək
16 aprel 09:31
- Almaniya kansleri - 66 yaşım var, heç vaxt marixuana çəkməmişəm
15 aprel 21:16
- Sabiq baş həkimə hökm oxundu - 8 il 6 ay həbs
15 aprel 20:53
- Akademik Zərifə Əliyevanın anım günüdür
15 aprel 20:43
- Akif Çovdarov yenidən məhkəmədə: 30 milyonluq əmlakın taleyi necə olacaq?
15 aprel 10:22
- Tokayev İrəvanda səfərdədir - Foto
15 aprel 09:49
- Dubayda qızıldan hazırlanan alt paltarları satışa çıxarıldı
14 aprel 20:39
- İmişlidə məktəbliləri cərəyan vurub öldürdü
14 aprel 18:44
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 17:25
- Vəkillik fəaliyyətindən qovulmuş Sevil Hacıyeva məmurları TERROR-çuluqda ittiham edir
14 aprel 16:37
- İrandan qovulan, Fransada səfil vəziyyətinə düşən, Amerikada ömürlük cəza alan erməni qatilin faciəli sonluğu...
14 aprel 15:24
- Oqtay Əsədovun həyat yoldaşı son bir ildə Moskvada 14 milyon qazanıb
14 aprel 11:41
- Narkotik satan AXUND həbs olundu - Foto
13 aprel 13:04
Video & Fotoqalereya
Video
Fotoqalereya