Beyləqan sakinlərindən millətə örnək davranış
Günün sitatı8 oktyabr 2018 07:29
Bir müddət öncə Beyləqan rayonunun Əlinəzərli kəndində Suliddin Adıgözəlova məxsus evin yanması xəbəri bunu eşidən hər kəsi üzmüşdü. İki azyaşlı da daxil olmaqla, 5 nəfərlik ailənin üzləşdiyi vəziyyət narahatlıq doğurmaya bilməzdi.
Ancaq əlinəzərlilərin qayğıkeşliyi, qonşu-qohumcanlılığı bu narahatlığı artıq geridə qoyub. Kəndin ağsaqqalları, gəncləri əllərindən gələni edirlər ki, az vaxt ərzində yanan evi bərpa edib, Suliddinin ailəsinə təhvil versinlər. Kimi pul verir, kimi də yanan evin təmizlənməsi üçün yorulmadan çalışır. Hamının da bir məqsədi var: tezliklə qəzanın nəticəsini aradan qaldırmaq!
Bu birliyin yaradılmasında isə Ortanəzərli kənd sakini Mehman Əliyevin böyük rolu var. Sputnik Azərbaycan-ın müxbiri ilə söhbətində o, bildirib ki, camaatı belə ağır günlərdə bir olmağa, darda olana köməklik göstərməyə çağırır: "Xalqımızın gözəl adətləri var. Bir-birinə arxa dayaq olmaq, dara düşənə kömək eləmək. Bu, Dədə Qorquddan qalma böyüklükdür".
M.Əliyevin sözlərinə görə, Əlinəzərli sakini Suliddinin başına gələn hadisə ilə hər kəs üzləşə bilər. Ona görə də hamı bu hadisəyə həssas yanaşmalıdır: "Bu hadisəylə üzləşən həmyerlimizə kənd sakinlərinin diqqət və qayğısı hiss olunur. Kimin əlindən yaxşı nə gəlirsə, onu edir. Pul yığılır, evin yanan konstruksiyasının təmizlənməsində könüllü kömək edirlər".
"Hamı çalışır ki, havalar soyumadan, yağışlar başlamadan bu işləri başa çatdırıb, evi Suliddinə təhvil versinlər. Evin damının tikilməsi üçün lazım olan materialın pulu artıq hazırdır. Ustalarla da danışmışıq. Onlar da işlərinin müqabilində təklif elədiyimiz puldan imtina etdilər. Təmənnasız olaraq sabahdan işə başlayacaqlar" – deyə müsahibimiz əlavə edib.
Mehman Əliyev onu da vurğulayıb ki, rayonun icra başçısı, onun yerdəki nümayəndəsi, həmçinin Suliddinin işlədiyi Melorasiya və Su Təsərrüfatının İdarəsinin rəhbərliyi də evi yanan ailəyə yüksək qayğı göstərir.
Qısa vaxtda evin hazır olacağını və Suliddinə təhvil veriləcəyini əminliklə deyən Mehman Əliyev qeyd edib ki, ev hazır olanda böyük şadyanalıq qurulacaq. Bu işdə zəhməti keçən hər kəs o məclisə dəvət olunacaq.
Bu xeyriyyə işinə dəstək verən kənd camaatı gətirdikləri yardımı Suliddinin qonşusu Telman İbrahimova verirlər. O, xeyriyyə kampaniyasına xeyli sayda kənd sakininin qoşulduğunu bildirib. Buna görə camaatdan razılıq edib.
Evi yanan Suluddin Adıgözəlovda da həmsöhbət olduq. O, bildirdi ki, evi naqillərdə yaranmış qısaqapanmadan yanıb: "Sentyabrın 20-si günorta saatlarında evimiz yanıb. Naqillərin nasazlığından qısaqapanma baş verib, nəticədə meydana çıxan yanğın tez bir zamanda genişlənib, bütün evi bürüyüb. Yanğınsöndürənləri çağırsaq da, yanğının qarşısını almaq mümkün olmadı. İçinin əşyaları ilə bir yerdə nə var idisə, hamısı yandı".
Xoşbəxtlikdən yanğın zamanı Suliddinin ailəsi evdə olmayıb: "Həyat yoldaşım məktəbə uşaqları gətirməyə getmişdi. Yanğından təqribən 10 dəqiqə əvvəl də mən evdən çıxmışdım. Xalam və qonşumuz Əfruz yanğını görən birinci adam olub".
Suliddinin xalası yanan evin min bir əziyyətlə, çox çətinliklə tikilməsindən danışıb: "Atası Fərman kişi bu evi çox çətinliklə tikmişdi. Evin daşını az-az daşımışdı. İndi inana bilmərəm ki, Suliddin yenidən özü bu evi tiksin. Camaatımızdan, dövlətimizdən xahişimiz odur ki, evin bərpasında Suliddinə kömək eləsinlər. Özünə qalsa, o, bu işin öhdəsindən təkbaşına gələ bilməyəcək. Özü əlildi, həyat yoldaşı astma-bronxit xəstəsidi. Onların iş qüvvəsi bu işləri görməyə imkan vermir".
Xala onu da eyib ki, kənd sakinləri evi əşyalarla da təmin edəcəklər: "Yanan əşyalarının yerinə evimizdən, olanımızdan nə lazım olsa, verəcəyik. Bunu eləmək çətin deyil".
Əfruz Quliyeva əvvəllər bələdiyyə sədri işlədiyini, belə çətinə düşənləri çox gördüyünü və yardımını əsirgəmədiyini deyib: "Yaxşı bir atalar sözümüz var: "El bir olsa, dağ oynadar yerindən". İnanıram ki, yaxın zamanda Suliddinin ailəsinin yenidən bu evdə yaşamasını təmin eləmək mümkün olacaq".
Suliddin Adıgözəlovun ailəsi hazırda əmisigildə məskunlaşıb. Suliddinin əmisi bildirib ki, ev hazır olana qədər onun evində rahat yaşayacaqlar.
Təmizlik və tikinti işlərində can-başla, təmənnasız çalışan insanları gördükcə, tam əmin olduq ki, Suliddinin evini tezliklə tikib başa çatdıracaqlar. Bununla da əlinəzərlilər ən böyük savabı öz kəndlərində qazanacaqlar. Ən əsası isə, bu əməlləri ilə hər kəsə örnək olacaqlar.
Mənbə: Sputnik Azərbaycan
Oxşar xəbərlər
- Milli Məclisdə boşalan deputat yerləri 10-a ÇATDI
8 aprel 2024 14:00
- Atamı KQB öldürdü... - Onun Andranik haqqında yazdığı romanı kim oğurlamışdı? - FOTO
17 mart 2024 19:10
- Adların mənası – TAM SİYAHI
12 mart 2024 21:50
- Qoçu dəstələri saxlayan, insanları evindən zorla çıxaran tikinti şirkətləri – Kimə arxayındırlar?
10 mart 2024 23:42
- Qarşımızda təhlükəsiz və dəstəkləyici öyrənmə mühitinin təmin edilməsi vəzifəsi dayanır
5 mart 2024 23:08
- Məmurlar 2-ci, 3-cü dəfə evlənə bilməz ?
29 fevral 2024 17:36
- BŞTİ-nin müdiri vəzifəsi ona həvalə olundu - Fotolar
23 fevral 2024 15:53
- Beyləqanda 16 yaşlı qız 42 yaşlı şəxsə ərə verilir? - AÇIQLAMA
22 fevral 2024 20:54
- Eşşək südü qızılcanın DƏRMANIDIR?
10 fevral 2024 21:28
- Dövlət Xidməti ilə "Azərpambıq" arasında məhkəmə çəkişməsi - Nə baş verib?
6 fevral 2024 22:22
Xəbər lenti
- İlham Əliyev həmkarına Qarabağ atı hədiyyə etdi - Fotolar
25 aprel 21:20
- Elmira Süleymanova vəfat etdi
25 aprel 14:50
- Məhkəmə Rauf Nağıyevin vəzifəsinə bərpası ilə bağlı qərar verdi- ÖZƏL
25 aprel 14:30
- Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT
25 aprel 13:05
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 13:01
- Təkcə başçı Zakir Fərəcov deyil, onun vəzifə başındakı əlaltıları da...
25 aprel 11:47
- Dedik ki, bir neçə saata Xankəndiyə daxil olacağıq - Prezident
25 aprel 11:35
- Xadimə məktəb direktorunu niyə bıçaqlayıb?
25 aprel 11:07
- Keçmiş başçının hospitalından şikayət
24 aprel 21:35
- BAKCELL bütün ölkəni Bulvardakı konsertə çağırır
24 aprel 21:20
- Onu oğlum yandırmayıb, şantaj üçün özü üzərinə benzin töküb - Yenilənib
24 aprel 20:57
- Prezidentlərin məhdud tərkibdə görüşü oldu - Foto
24 aprel 20:28
- Japarov Azərbaycandadır - Yenilənib
24 aprel 11:42
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31
- Bu ölkə məktəblərdə rus dilinin tədrisindən İMTİNA EDİR
21 aprel 21:14
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 20:20
Video & Fotoqalereya
Video
Fotoqalereya