Nadir Qocabəyli İlham Əliyevə müraciət etdi
Tanınmış yazıçı-tərcüməçi Nadir Qocabəyli prezident İlham Əliyevə və digər rəsmi şəxslərə müraciət ünvanlayıb. Müraciəti olduğu kimi dərc edirik.
Azərbaycan Respublikasının prezidenti cənab İlham Əliyevə
Ədliyyə naziri cənab Fikrət Məmmədova
Daxili işlər naziri cənab Ramil Usubova
Meqa Sığorta ASC idarə heyətinin sədri xanım S.Gülmalıyevaya
Azərbaycan Respublikası ərazisində fəaliyyət göstərən bütün media qurumlarına
AÇIQ MƏKTUB
Hörmətli cənablar!
2017-ci il avqust ayının əvvəlində, sığorta agenti kimi tanıdığım və 2016-cı ildə mənə məxsus 90 BR 139 nömrə nişanlı Opel Astra markalı avtomobili AtaSığorta şirkətində icbari sığorta etdirən İsmayılov Cəbrayıl İsa oğluna sığortanı yeniləmək məqsədilə 75 manat pul verdim. Bir gündən sonra Meqa Sığorta ASC-yə aid sığorta şəhadətnaməsini və emblemini gətirib mənə verdi. Onu tanıdığım, sığorta emblemini də sığortanın əsas atributu hesab elədiyim üçün müqaviləyə və qəbzə diqqət etmədim.
Təxminən 20 gün qabaq sükan arxasında təhlükəsizlik kəmərini taxarkən, YPX əməkdaşları məni saxlayıb, 40 manat cərimə yazdılar. Onlara kəməri taxmağı unutduğumu söyləsəm də, qulaq asmadılar. İrad bildirdim ki, sizin vəzifəniz təkcə hər şeyə, xüsusilə də, qüsurunu anlayıb onu dərhal aradan qaldıran sürücüyə cərimə yazmaq yox, qanun pozuntularını aradan qaldırmaq olmalıdır. Cəmiyyəti, insanları tərbiyə etmək, qayda-qanuna dəvət etmək ancaq cəzadan və cərimədən keçmir. Bağışlamaq, əfv etmək, güzəştə getmək, mükafatlandırmaq da lazımdır ki, vətəndaşlar dövlətə ancaq cəza aparatı kimi baxmasınlar. Nə isə, bu başqa bir söhbətin mövzusudur...
YPX əməkdaşı cərimə kağızını mənə verərkən, daha 210 manat borcum olduğunu söyləyəndə xeyli təəccübləndim. Çünki qayda-qanunlara hörmət edən bir insan olaraq, onları heç vaxt şüurlu surətdə pozmuram. Əlbəttə ki, diqqətsizlik, məlumatsızlıqla bağlı nadir hallar istisna olmaqla.
Bu ayın əvvəlində qonorarımı alan kimi, cərimələrin mahiyyətini aydınlaşdırmaq və ödəmək üçün bəzi yoldaşların məsləhəti ilə Bakı şəhər DYP idarəsinə getdim. Orada 3-4 qapıya girib-çıxandan sonra məlum oldu ki, respublika Dövlət Yol Polisinin Xırdalan şəhərində yerləşən baş idarəsinə getməliyəm.
Orada məni 403-cü otaqda çox saymazyana qarşılayan polis əməkdaşları “250 manat nədir ki, camaatın 3-4 min cəriməsi olur” dedilər. Onlara izah etdim ki, mən o adamlardan deyiləm.
Polis əməkdaşları kompüterə baxıb mənə bildirdilər ki, sizə məxsus avtomobil 2017-2018-ci illər üçün sığorta olunmayıb, bu səbəbdən də DYP-yə aid radar kameraların obyektivinə düşmüsünüz. Dəhşətə gəldim. Bu necə ola bilər axı? Mənim əlimdə müqavilə, maşınımda Meqa Sığortanın emblemi var. Cavab verdilər ki, olsaydı, radarlar belə səhvə yol verməzdilər. Soruşdular ki, Baxşəliyev Tahir Tərlan oğlu kimdir? Dedim ki tanımıram? Bəs Mirzəyev Ağamirzə Ələmdar oğlu? Onu da tanımıram. Siz maşınınızı bu adamlara notarius etibarnaməsi ilə vermisiniz? Xeyr, mən ümumiyyətlə avtomobilimi heç vaxt heç kəsə etibar etməmişəm. Amma burada göstərilir ki, vermisiniz. Verməmişəm! Bunu sübut etmək lazımdır. Necə? Notariusdan arayış gətirməklə. Hansı notariusdan? Bilmirik. Kompüterdəki məlumatların mənə verilməsini xahiş etdim, monitorun şəklini telefonla çəkə biləcəyimi söylədilər. Telefonumun girişdə müsadirə olunduğunu bildirib, print etmələrini xahiş etdim. Cavab verdilər ki, printer işləmir, ancaq yaşadığım rayonun DYP-sinə müraciət etsəm, bildirişləri ala bilərəm. Yalnış məlumatları kompüterdən necə silməyin mümkünlüyünü soruşdum, cavab verdilər ki, yalnız sığorta idarəsindən və notariusdan gətirəcəyim arayış əsasında mümkün ola bilər.
Ertəsi gün Suraxanı bölməsinə müraciət etdim və cərimələrin bildişlərini mənə verdilər. Çox kübar qarşılamasalar da, özlərini Bakı və respublika DYP-dəkindən xeyli sadə apardılar və onlardan daha detallı məlumat ala bildim. Mənim avtomobilimə həqiqətən 250 manat cərimə yazılmışdı. 250 manatlıq cərimənin yalnız ikisi – kəmərlə bağlı yazılan 40 manat, bir də sürət həddini aşmaqla bağlı yazılan 10 manat mənim adıma rəsmiləşdirilmişdi, qalan 200 manat Bakı şəhər, Ə.Qədirli küçəsi. 3/9 ünvanında yaşayan Baxşaliyev Tahir Tərlan oğlunun (sənəddə yazıldığı kimi yazıram) adınadır. Təəccübləndiyimi görən bu polis əməkdaşı da məndən avtomobilimi etibarnamə ilə kiməsə verib-vermədiyimi soruşdu. Cavab verdim ki, heç vaxt belə bir şey olmayıb. O bunu eşitdikdən sonra kompüterin monitorundakı yazıları oxumağımı xahiş etdi. Orada qeyd olunmuşdu ki, mənə məxsus 90 BR 139 nömrəli Opel Astra markalı avtomobili 2012-ci il aprel ayının 9-da Mirzəyev Ağamirzə Ələmdar oğlu etibarnamə ilə Baxşaliyev Tahir Tərlan oğluna dövr edib. Etibarnaməni Bakı şəhər 6 saylı dövlət notariusu verib.
Üz tutdum Meqa Sığortaya. Məlum oldu ki, İsmayılov Cəbrayıl İsa oğlu məndən pul alsa da, sığorta şirkətinə ödəməyib və mənə saxta müqavilə, bir də emblem verib. Şirkətdə onu da dedilər, emblem sadəcə reklamdır və bundan başqa heç nə ifadə etmir! Onlara inanmadım. Mənimlə söhbət edən şirkət əməkdaşı dedi ki, hazırda İsmayılov Cəbrayıl İsa oğlu onlarla əməkdaşlıq etmir və çoxlu adamı aldadaraq ölkədən qaçıb. Ona görə də, mənə dəyən ziyanı ödəyə bilməzlər. Soruşdum ki, bəs niyə onun haqqında hüquq-mühafizə orqanlarına məlumat vermirsiniz? Axı onun hərəkətləri şirkətinizin imicinə ziyandır. Cavab belə oldu ki, yazılı şikayət yoxdur. Əgər çox sayda adam yazılı ərizə ilə müraciət etsə, bunu edərlər. Mən onlara şikayət ərizəsi yazdım.
Yaxşı, bəs avtomobil icbari sığorta olunmadığına görə niyə 4 dəfə cərimə yazılıb? Cavab belə oldu: cərimələrlə bağlı bildirişlər Baxşəliyev Tahir Tərlan oğlunun ünvanına göndərilib və vaxtında ödənmədiyi üçün qanundakı müvafiq qaydaya əsasən yenidən göndərilib. Beləcə, 4 dəfə təkrarlanıb, cərimə də olub 200 manat.
Artıq axşam düşdüyündən və yorulduğumdan, 6 saylı notariusa getməyi növbəti günə saxladım. Ertəsi gün 6 saylı notariusun arxivindən çıxarılan sənəddən məlum oldu ki, Mirzəyev Ağamirzə Ələmdar oğlu həqiqətən 90 BR 139 nömrə nişanlı avtomobili 2012-ci il aprel ayının 9-da etibarnamə ilə Baxşaliyev Tahir Tərlan oğluna dövr edib. Etibarnamənin seriyası və nöməsi belədir: ƏN – III № 713786. Lakin avtomobil Opel Astra yox, “Mersedes Bens”dir. Notariusun əməkdaşları xeyli çək-çevirdən sonra, belə qərara gəldilər ki, mexaniki səhv olub və bir həftə ərzində bunu sistemdə düzəldəcəklər.
Ya da dövlət yol polisi 2008-ci ildə mənə verilən nömrə nişanının saxta dublikatını başqa maşına verib. Bu maşın oğurluq da ola bilər. Araşdırılmalıdır. Əgər belə olsa, bu çox pisdir. Deməli, ölkədə maşın oğurluğu ilə məşğul olan cinayətkar dəstə var, həm də yol polisi və notariusla əlbir işləyirlər. Bu mənim fikrimdir.
6 saylı notariat kontorunun notariusu İmanov Ərəstun Loğman oğluna bildirdim ki, sizin səhviniz ucbatından mən 150 manat əlavə cərimə ödəməliyəm. Çünki bu “xəta” olmasaydı (xəta olub-olmadığı məncə araşdırılmalıdır) icbari sığortanın ödənilməməsi haqda ilk bildiriş mənim ünvanıma gələcək və vaxtında tədbir görəcəyimdən, 4 dəfə təkrar cərimə ödəməyə məcbur olmayacaqdım. Ona görə də, cərimənin 150 manatını siz ödəməlisiniz. Dərhal cığallığa keçdi, əsəbləşib özündən çıxdı və heç bir şey ödəməyəcəyini dedi. Dedim, ödəmirsiniz-ödəməyin, onda ya səhvinizlə bağlı arayış, ya da həmin etibarnamənin surətini verin ki, DYP-yə təqdim edim. Heç nə verməyəcəyini dedi, mən də ona ədliyyə nazirliyinə və prezidentə şikayət edəcəyimi, məhkəmə iddiası qaldıracağımı söylədim. İmanov Ərəstun istənilən yerə müraciət edə biləcəyimi söylədi. Ancaq məncə o, başçılıq etdiyi idarənin səhvinə görə vətəndaşdan üzr istməli və vurulan ziyanı ödəməliydi. Təəssüf ki, bu olmadı.
Bu gün məcbur qalıb, ölkədə fəaliyyət göstərən üç qurumun məsuliyyətsiz, vicdansız, qanunsuz, səriştəsiz, nadan, kobud və mənəviyyatsız hərəkətləri nəticəsində üzərimə qoyulan qanunsuz, haqsız və ədalətsiz cəriməni ödəməli oldum. 250 manat mənim ailəmin yarım aylıq dolanışıq, güzəran puludur. Mən o pulu ağır zəhmətlə, çox çətinliklə qazanıram. 250 manat mənim üçün 50 səhifə tərcümə, 10 gün gündə 10-12 saat işləmək deməkdir. Mən o pulun yerini doldurmaq üçün evimdən nəsə satmalıyam, boynumu büküb ərzaq mağazasından nisyə mal almalıyam, səsimi qısıb kimdənsə borc istəməliyəm. Mən həm də düz 3 gün idarə və müəssisələrə ayaq döydüm, 3 gün işləmədim, boş yerə yolpulu verdim.
Mən o cəriməni həm də bu gün ona görə ödədim ki, avtomobilimi satmaq istəyirəm, alan adamın əziyyət çəkməsini istəmirəm. Avtomobilimi ona görə satıram ki, artıq hər gün 10-12 saat işləməklə yaşamaq mümkün deyil, artıq o avtomobili sürmək, onun xərclərini, haqsız cərimələrini ödəmək ağır problemə çevrilib. Ona görə satıram ki, bu ölkənin ziyalısı, onun ailəsi köhnə və miskin bir avtomobilin satışından gələcək miskin bir vəsaitlə mövcudluğunu bir az uzatmaq istəyir. Mən o 250 manatı heç kəsə halal etmirəm. Üç gündə təxminən itirdiyim 100 manatı da. Onu zorla dartıb əlimdən alanların burnundan gəlsin deyirəm və əminəm o gün uzaqda deyil!
Hörmətli cənab prezident!
Hörmətli nazirlər!
Hörmətli idarə-müəssisə, şirkət rəhbərləri!
Yuxarıda haqqında yazdığım hadisə bu ölkədə təkcə mənim başıma gəlmir. Bu ölkənin hər bir vətəndaşı hər gün bundan qat-qat dəhşətli şeylərlə üzləşir. Aldadılır, təhqir olunur, soyulur, tikəsi əlindən alınır, alçaldılır. Sizdən çox xahiş edirəm, bunlara son qoyun! Bu mümkündür! Bunu etmək, bu kiçik ölkədə yaşamaq üçün heç olmasa minimum şərait yaratmaq olar. Sizdən çox xahiş edirəm, xalqın qayğısına qalın. Harın, fırıldaqçı, yekəxana, nadan, kobud məmurları cilovlayın. Bu da mümkündür. Vallah, mümkündür. Onlar bu ölkəni də, bu xalqı da, onun rəhbərlərini də rüsvay edirlər. Çox xahiş edirəm, DYP-nin 403-cü otağında oturanları, 6 saylı notariusları, ərəstunları, cəbrayılları cəzalandırın!
Hörmətlə, yazıçı-tərcüməçi Nadir Quliyev (Qocabəyli)
- Prezident bu qanuna dəyişiklik etdi
28 mart 2024 15:39
- Lifttəmir-in direktoruna şiddətli töhmət verildi
28 mart 2024 15:31
- DTX sıralarında 7 Vətən Müharibəsi Qəhrəmanı xidmət edir
28 mart 2024 11:13
- 2024-cü ildə bu rektorların səlahiyyət müddəti bitir (SİYAHI)
27 mart 2024 22:27
- Namiq Abbasov vəfat etdi
27 mart 2024 22:05
- Kramarenkonun yumruq davası, Banişevskinin etiraz çağırışları – Neftçini cəzadan Brejnev xilas edib
25 mart 2024 13:59
- Hitlerin aqibəti – Müəmmаlаr dumаnındа GİZLƏDİLƏN HƏQİQƏTLƏR + FOTOLAR
25 mart 2024 10:54
- 25 il əvvəl bu gün: Primakovun təyyarəsi okeanın üstündən niyə geri qayıdıb?
25 mart 2024 00:29
- Ordumuzun əsgəri intihar etdi
24 mart 2024 23:16
- Yaponiyada sürətlə nadir ölümcül infeksiya yayılır
24 mart 2024 22:43
- Şahmar Hüseynova yeni vəzifə verildi
28 mart 21:04
- Bu gün ilk Qədr gecəsidir
28 mart 17:37
- Baş redaktorun Ədliyyə naziri Fərid Əhmədova MÜRACİƏTİ
28 mart 15:56
- İsveçrədən Azərbaycana 105 min manata 4 ədəd qol saatı gətiriblər
28 mart 15:46
- Prezident bu qanuna dəyişiklik etdi
28 mart 15:39
- Lifttəmir-in direktoruna şiddətli töhmət verildi
28 mart 15:31
- Azneft-in baş direktoru da vəzifəsindən azad edildi - Yeni təyinat
28 mart 15:23
- Məşhur Azərbaycan filmlərində heyvanlara aktyorlardan çox qonorar verilirmiş
28 mart 11:31
- Hermosonu öpən prezident həbs oluna bilər
28 mart 11:26
- DTX sıralarında 7 Vətən Müharibəsi Qəhrəmanı xidmət edir
28 mart 11:13
- Yaxın günlərdə daha 73 nəfərin adı ictimaiyyətə açıqlanacaq
28 mart 11:05
- 2024-cü ildə bu rektorların səlahiyyət müddəti bitir (SİYAHI)
27 mart 22:27
- Emin Əmrullayevdən daha bir təyinat
27 mart 22:20
- Şəhid bacısı sektor müdiri təyin edildi
27 mart 22:12
- Namiq Abbasov vəfat etdi
27 mart 22:05
- Nazir Kamran Əliyevi təqaüdə göndərdi
27 mart 17:37
- BMU-ya yeni prorektor təyin olunub
27 mart 17:29
- Yüksək rütbəli keçmiş qırğız məmur Bakıda həbs olundu (TƏFƏRRÜAT)
27 mart 12:47
- Ərdoğan Ağ Evdə ilk dəfə Baydenlə görüşəcək
27 mart 12:27
- 7 günlük Novruz tətili başa çatdı
27 mart 08:37
- Biləsuvarda qadın qətlə yetirildi - Əri polisə təslim oldu+Yenilənib
26 mart 21:05
- Üç aydır ictimaiyyət qarşısına çıxmır
26 mart 20:32
- Küçədə satılan balıq və toyuq məhsulları təhlükəlidirmi? - ARAŞDIRMA - VİDEO
26 mart 10:49
- Sabahdan Azərbaycanda tətil başa çatır
26 mart 10:10
- Həkim əllərin titrəməsinin səbəblərindən danışdı
26 mart 10:05
- Sümbülə Əliyeva həbs edildi
26 mart 09:56
- Banan adı ilə aldığımız meyvə AFRİKA KARTOFU imiş - Diqqət!
25 mart 23:09
- Azərbaycan - Bolqarıstan oyununda qalib müəyyənləşmədi
25 mart 22:41
- 3 uşaq anası azərbaycanlı həkimin əlində öldü - FOTOLAR
25 mart 21:20
- Prezident və xanımına qarşı sui-qəsd cəhdinin detalları 28 il sonra açıqlandı - Əl-Qaidə-nin planı
25 mart 16:06