Nəsimi rayonunda “abadlıq” adı ilə ağacları kəsirlər
Bakının Nəsimi rayonu, 4-cü mikrorayon, Əlisgəndər İsgəndərov küçəsində çoxillik meyvə ağacları kəsilir. İcra Hakimiyyətinin tapşırığı ilə beşmərtəbəli binaların həyətyanı sahələrinə ekskavator salınaraq, bar verən ağacları kökündən qoparıb, yük maşınları ilə daşıyırlar.
Bu barədə virtualaz.org-a ağacların kəsilməsinə etiraz edən şikayətçilər bildiriblər. Sakinlər deyirlər ki, onlara bu ərazidə park salınacağı deyilsə də, əslində həyətyanı sahilərdə bir neçə çoxmərtəbəli binanın salınacağı məlumdur.
Parkın layihəsi niyə sakinlərdən gizlədilir?
“Bu ağacların bəzilərinin 50 yaşı var. Bəziləri də cavan, meyvə gətirən ağaclardır. Çoxunun üzərində çiçəkləri ilə ekskavatorun altına salıb, kökündən qoparıblar. Mən gəlib çatınca 10 dənə nar ağacını bu cür çıxardılar. Adını budama qoyublar, bu vaxt budama olar? Quru ağaclar qalıb, onlara dəymirlər, məhsuldar ağacları kəsirlər. Bizə deyirlər ki, buralar zəbt olunub. Guya biz işğalçıyıq, buraları zəbt eləmişik. Əslində, bura hər bir vətəndaşın torpağıdır və hamının da payı var. Sökürlər, söksünlər, biz tam tərəfdarıyıq. Amma park salırsansa, burada əl işi getməlidir, traktor girməməlidir. Gəlib bütün ağacların ətrafını çərçivəyə alsınlar, bordyurlar qoysunlar”, - deyə şikayətçi Elman Əhmədov bildirir.
Sakinlər həm də ondan narazıdırlar ki, onlara ərazinin park olacağı ilə bağlı heç bir layihə göstərilmir. Şikayətçilər deyirlər ki, dəfələrlə İcra Hakimiyyətinin səlahiyyətli şəxslərindən parkın layihəsini tələb etsələr də, niyə bu sakinlərdən gizli saxlanılır?
Bina tikənlərin adları məlumdur…
“Bura gözəl bir yer idi, havası gözəl yer idi. Camaat gəlib istirahət edirdi. Bu əkilmiş ağaclar da tozun-torpağın qarşısını alırdı. İndi ağacları məhv elədilər. Biz də deyirik ki, əgər həqiqətən də bağ salırsınızsa, onda bizi də layihə ilə tanış edin. Sakinlər də sizə kömək etsin, əlbir olaq, bağ düzəldək. Yalandan deyirlər ki, park olacaq. Torpaq Bakı Şəhər İcra Hakimiyyəti tərəfindən satılıb. Əslində, biz buranı tikənləri də tanıyırıq. Burada fırlanırlar, qorxularından yaxın gəlmirlər. Buranı alanlardan biri Nəsimi rayon İcra Hakimiyyətinin sabiq başçısı Nəsib Məhəmməliyevin qardaşı Yusif Məhəmməliyev, Cəlilabaddan Fəadil adlı şəxs, daha öncə bir qədər aralıda iki binanın arasında ağacları kəsərək çoxmərtəbəli bina tikən Elbrus adlı şəxs (virtualaz.org bu barədə reportaj hazırlamışdı) və İmişlidən olan biznesmen Eldar adlı şəxs şərikdirlər”, - deyə Famil Gözəlov bildirir.
Şikayətçilər deyirlər ki, onlara binanın arxasından yol çəkmək üçün hasarların söküldüyünü deyirlər. Səbəb isə o göstərilir ki, hər hansı yanğın hadisəsi olarsa, yanğınsöndürən girə bilsin. “Gör bizim başımızı necə aldadırlar?! Bu binanın dörd tərəfindən üçü boşdur, bu harada görünüb ki, binanın dörd dövrəsini asfaltlasınlar, heç bir ağac əkməyib yanğın təhlükəsi ilə bağlı boş saxlasınlar. Onda belə çıxır ki, nə vaxtsa zəlzələ ola bilər deyə, adamlar küçədə yaşasınlar, evə girməsinlər?” - deyə sakinlər sual edirlər.
Digər bir şikayətçi Ruzi Abiyev isə deyir ki, Nəsimi Rayon İcra Hakimiyyəti “abadlıq” işlərinə yaxınlıqakı binaların qarşısında yaşıl hasarları sökərək başladı. Hədəf isə buradakı geniş ərazini əldə etmək idi: “Çünki insanların gözü öyrəşir, həm də belə görüntü yaradırlar ki, guya mikrorayonda abadlıq işləri aparılır”, - deyə şikayətçi bildirir.
“Ad-familyam sizin nəyinizə lazımdır?!”
Biz həmin ünvanda olarkən hələ də traktorlar işləyirdi, hasarlar sökülərək “KamAZ”lara yığılırdı. Ərazidə olan MİS (“JEK”) nümayəsindən də suallarımıza cavab ala bilmədik:
“Zəbt olunmuş yerlərdir, burada ağac var? Traktorlar işləyir, kol-kosu kəsirlər”.
MİS nümayəndəsi özünü təqdim etməkdən də imtina etdi:
“Mənim ad-familyam sizin nəyinizə lazımdır, mən bura iş üçün gəlmişəm. Ümumiyyətlə, mən sizə heç bir informasiya verə bilmərəm, mənim heç bir səlahiyyətim yoxdur”, - deyə kobud şəkildə sözümüzü kəsdi.
Nəsimi Rayon İcra Hakimiyyəti “abadlıq”dan bixəbərdir
Nəsimi Rayon İcra Hakimiyyətindən də cavab ala bilmədik. Rayon təsərrüfat şöbəsinin baş məsləhətçisi Elvin Bağırov virtualaz.org-a Ə.İsgəndərov küçəsində aparılan “abadlıq” işlərindən xəbərsiz olduğunu dedi.
Həmin ünvanda monitorinq aparan Ekologiya Nazirliyinin sektor müdiri Sadiq Bərafərin də hər hansı ağac kəsimi faktı ilə qarşılaşmadığını dedi. Onun sözlərinə görə, ərazidə Nəsimi Rayon İcra Hakimiyyətinin göstərişi ilə abadlıq işləri aparılır.
“Bizə sakinlər tərfəindən şikayət olunmuşdu, həmin ünvanda olduq. Orada hər hansı ağac kəsimi faktı ilə qarşılaşmadıq. Bakı Şəhər Yaşıllaşdırma İdarəsinin əməkdaşları budama işləri aparırlar. Bəzi ağaclar isə çıxarılaraq başqa ünvana köçürülür. Sakinlərin iradları əsassızdır”, - deyə S.Bərafərin bildirdi.
Qeyd edək ki, virtualaz.org daha öncə də həmin ünvanda ağacların kəsilməsi ilə bağlı sakinlərin şikayətini araşdırmışdı. Onda Nəsimi Rayon İcra Hakimiyyətinin özünü təqdim etmək istəməyən rəsmisi virtualaz.org-a ərazinin satılması və orada çoxmərtəbəli binaların tikilməsi ilə bağlı sakinlərin şikayətinin əsassız olduğunu bildirmişdi.
“Həmin ərazidə əsasən binaların birinci mərtəbələrində yaşayan sakinlər tərəfindən qanunsuz zəbt edilən həyətlər var. Onlar əvvəlcə evlərinin qarşısında ağaclar əkir, sonra ərazini hasarlayır, daha sonra da evlərinə qatırlar. Biz o cür qanunsuz hasarları sökürük və əraziləri abadlaşdırırq. Orada ağacların qırılmasından söhbət gedə bilməz. Ola bilər ki, gediş-gəlişə mane olan kol-kos qırılsın”, - deyə İcra Hakimiyyəti rəsmisi bildirib.
NUH.az
- Sülhməramlıların Qarabağdakı missiyası başa çatıb - Rusiya KİV
19 aprel 2024 11:56
- Məktəb direktoru haqda son qərar - Qalan ömrünü həbsdə keçirəcək
16 aprel 2024 09:31
- Oqtay Əsədovun həyat yoldaşı son bir ildə Moskvada 14 milyon qazanıb
14 aprel 2024 11:41
- Bu rayonlara yeni polis rəisləri təyin edildi
10 aprel 2024 16:30
- Bakıda məsciddən oğurluq - Axundun seyfindən 20 min apardı, gecə klubunda yedi
4 aprel 2024 21:35
- Türkiyədə seçkidə dava - 1 ölü, 11 yaralı
31 mart 2024 17:54
- Lifttəmir-in direktoruna şiddətli töhmət verildi
28 mart 2024 15:31
- Azneft-in baş direktoru da vəzifəsindən azad edildi - Yeni təyinat
28 mart 2024 15:23
- 2 milyonluq tenderi uddu, amma 2,25 milyonluq müqavilə imzaladı - Müəmma
23 mart 2024 20:29
- 102 xidmətinin operatorunu təhqir edən şəxs həbs edildi
22 mart 2024 16:26
- Kəmaləddin Heydərovdan yüksək vəzifəyə təyinat (FOTO)
19 aprel 12:15
- Sülhməramlıların Qarabağdakı missiyası başa çatıb - Rusiya KİV
19 aprel 11:56
- Respublika Pediatriya Mərkəzi yaradıldı - Direktor o oldu+Fotolar
19 aprel 11:42
- Mikayıl Cabbarova yeni müavin təyin edildi - Sərəncam
18 aprel 11:56
- ABŞ-dən sülhməramlıların Qarabağı tərk etməsinə - Reaksiya
18 aprel 11:43
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
18 aprel 11:07
- Rusiyanın sülhməramlı kontingenti Azərbaycanı tərk edir - Video
17 aprel 11:26
- İlham Əliyevə telefon açıb xahiş etdi
17 aprel 10:38
- Hadi Rəcəbli vəfat etdi - Yenilənib
17 aprel 10:29
- Tanınmış həkim telefon nömrəsini satışa çıxardı – 26 min manat
16 aprel 11:15
- Ailəli müəllim məktəbli ilə çılpaq halda maşında yaxalandı
16 aprel 11:06
- Müharibə veteranlarına şad xəbər: 80 manat artırılır – Deputat məbləği açıqladı
16 aprel 10:17
- Vəzifədə olan dayısının evindən 90 min oğurlayıb - Qumarda uduzdu
16 aprel 10:08
- 2300 maaşım idi, ayda 15 min manat paket alırdım - Sabiq nazir
16 aprel 09:45
- Məktəb direktoru haqda son qərar - Qalan ömrünü həbsdə keçirəcək
16 aprel 09:31
- Almaniya kansleri - 66 yaşım var, heç vaxt marixuana çəkməmişəm
15 aprel 21:16
- Sabiq baş həkimə hökm oxundu - 8 il 6 ay həbs
15 aprel 20:53
- Akademik Zərifə Əliyevanın anım günüdür
15 aprel 20:43
- Akif Çovdarov yenidən məhkəmədə: 30 milyonluq əmlakın taleyi necə olacaq?
15 aprel 10:22
- Tokayev İrəvanda səfərdədir - Foto
15 aprel 09:49
- Dubayda qızıldan hazırlanan alt paltarları satışa çıxarıldı
14 aprel 20:39
- İmişlidə məktəbliləri cərəyan vurub öldürdü
14 aprel 18:44
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 17:25
- Vəkillik fəaliyyətindən qovulmuş Sevil Hacıyeva məmurları TERROR-çuluqda ittiham edir
14 aprel 16:37
- İrandan qovulan, Fransada səfil vəziyyətinə düşən, Amerikada ömürlük cəza alan erməni qatilin faciəli sonluğu...
14 aprel 15:24
- Oqtay Əsədovun həyat yoldaşı son bir ildə Moskvada 14 milyon qazanıb
14 aprel 11:41
- Narkotik satan AXUND həbs olundu - Foto
13 aprel 13:04
- Kür çayında batan ata və altı yaşlı qızının FOTOSU
13 aprel 10:05
- Zakir Fərəcovun işlətdiyi və aldadaraq, milyonlarını vermədiyi bir qrup iş adamı bir daha Prezidentə üz tutdu
13 aprel 09:29
- Çingiz Abdullayev xəstəxanaya yerləşdirildi - Vəziyyəti ağırdır
13 aprel 08:38